كەلەسى جىلى قازاقستاندىقتار 4 اي دەمالادى

استانا. قازاقپارات - جىلدىڭ العاشقى ايىندا جاڭا جىل جانە روجدەستۆو مەرەكەلەرىنە وراي قازاقستاندىقتار جالپى ەسەبى 13 كۇن دەمالادى.

رەسمي مەرەكە كۇندەرى بولىپ 1-2- قاڭتار ەسەپتەلەدى، الايدا، 2- قاڭتار سەنبىگە سايكەس كەلگەندىكتەن، 4- قاڭتار دا دەمالىس كۇنى بولماق. روجدەستۆو مەرەكەسىنە بايلانىستى 7- قاڭتار كۇنى دەمالىس بەرىلەدى. بۇدان بولەك، 5 سەنبى مەن جەكسەنبى بار.

اقپان، ءساۋىر، ماۋسىم، قازان جانە قاراشا ايلارىندا مەملەكەتتىك مەرەكەلەر جوق. سوندىقتان، قىزمەتكەرلەر تەك سەنبى جانە جەكسەنبى كۇندەرى دەمالادى. اتالعان 5 ايداعى دەمالىس سانى 43 كۇندى قۇراپ وتىر.

2016-جىلدىڭ ناۋرىز ايىندا 4 سەنبى جانە 4 جەكسەنبى بار. الايدا، بۇل ايدا 8- ناۋرىز جانە ناۋرىز مەرەكەلەرى بار. وسىلايشا، ناۋرىزدا حالىق 12 كۇن دەمالادى.

كەلەسى جىلى 1- مامىردا تويلاناتىن قازاقستان حالىقتارىنىڭ بىرلىگى كۇنى دەمالىس كۇنىنە سايكەس كەلەدى. سول سەبەپتى، 2- مامىر دا دەمالىس كۇنى بولىپ بەلگىلەندى. وتان قورعاۋشىلار كۇنى (7- مامىر) دە سەنبىگە سايكەس كەلگەندىكتەن، دەمالىس كۇنى دۇيسەنبىگە اۋىستىرىلادى. ايتا كەتەرلىگى، دۇيسەنبى دە جەڭىس كۇنىنە تاپ كەلگەندىكتەن، 10- مامىردا دا حالىق دەمالاتىن بولادى.

شىلدە ايىندا قازاقستاندىقتار 11 كۇن دەمالادى. دەمالىستىڭ 10 كۇنى ادەتتەگىدەي سەنبى جانە جەكسەنبى كۇندەرى بولسا، 1- كۇن دەمالىس 6- شىلدەدە تويلاناتىن استانا كۇنىنە وراي بەرىلەدى.

تامىز ايىندا 4 سەنبى مەن جەكسەنبى بار. بۇعان قوسا، 30- تامىز كۇنى تويلاناتىن كونستيتۋتسيا كۇنىن ۇمىتپاڭىز. وسىلايشا، جازدىڭ سوڭعى ايىندا ەل تۇرعىندارى 9 كۇن دەمالادى.

13- قىركۇيەك كۇنى قۇربان ايت مەرەكەسى تويلانادى جانە وعان 8 سەنبى مەن جەكسەنبىنى قوسىڭىز. ناتيجەسىندە، قىركۇيەك ايىندا قازاقستاندىقتار 9 كۇن دەمالىس الادى.

2016-جىلدىڭ سوڭعى ايىندا قازاقستاندىقتار 9 كۇن اپتا سوڭىنداعى دەمالىسىن الادى. بۇدان بولەك، 1- جەلتوقسان تۇڭعىش پرەزيدەنت كۇنى مەن 16-17- جەلتوقساندا تاۋەلسىزدىك كۇنىنە دەمالادى. 17- جەلتوقسان سەنبىگە سايكەس كەلگەندىكتەن، دەمالىس 19- جەلتوقسانعا جىلجىتىلادى.

nur.kz