اسىق ويىنىنىڭ 4 ءتۇرى بويىنشا جارىس ءوتتى - فوتو

كوكشەتاۋ. قازاقپارات - كوكشەتاۋدا وبلىستىق «قازاق ءتىلى مەن مادەنيەتى» قوعامدىق بىرلەستىگىنىڭ ۇيىمداستىرۋىمەن اسىق ويىندارى بويىنشا 2- وبلىستىق جارىس ءوتتى.

«التىن ساقا» جوباسى نەگىزىندە وتكىزىلەتىن ۇلتتىق اسىق ويىنىنىڭ اسىق اتۋ، ءۇش تابان، حانتالاپاي، بەس اسىق ويىنى تۇرلەرى بويىنشا كوكشەتاۋ قالاسى (قازاق تىلىندە) دارىندى بالالارعا ارنالعان مامانداندىرىلعان №3 -وبلىستىق مەكتەپ- ينتەرناتىندا ۇيىمداستىرىلعان جارىسقا زەرەندى، بۋراباي اۋداندارى جانە كوكشەتاۋ، ستەپنوگور قالالارىنان كەلگەن 50 استام بالادان قۇرالعان 7 كوماندا قاتىسىپ باق سىنادى.

 جارىستىڭ اشىلۋ سالتاناتىندا اقمولا وبلىستىق «قازاق ءتىلى جانە مادەنيەت» قوعام بىرلەستىگىنىڭ ءتوراعاسى مەيرامبەك قيىقوۆ قاتىسۋشىلاردى قۇتتىقتاپ، ويىندارىنا ساتتىلىك تىلەدى.

جالپى، كوماندالىق ەسەپ بويىنشا 1- ورىندى كوكشەتاۋ قالاسى يەلەنسە، 2- ورىنعا كوكشەتاۋداعى (قازاق تىلىندە) دارىندى بالالارعا ارنالعان مامانداندىرىلعان №3 وبلىستىق مەكتەپ- ينتەرناتى لايىق دەپ تانىلدى، سونداي- اق جۇلدەلى 3- ورىندى زەرەندى اۋدانى ەنشىلەدى.

«حانتالاپاي» ويىنى ءتۇرى بويىنشا كوكشەتاۋلىق نۇرداۋلەن بولەنباي 1-، زەرەندىلىك ءمادينا مەيراموۆا مەن ەلميرا جۇمابەكوۆا 2- جانە 3- ورىنعا يە بولدى.

«بەس اسىق» ويىنى ءتۇرى بويىنشا كوكشەتاۋلىقتار ايجان ءسابيروۆا، ءمادينا تاشەنوۆا جانە كۋرساناي ۋسمانوۆا 1-، 2- جانە 3- ورىنداردى ءوزارا ءبولىستى.

«ءۇش تابان» ويىنى ءتۇرى بويىنشا I -ورىن كوكشەتاۋلىق ەرسىن يماممادي، 2- ورىن اڭساپ دولدولي، 3- ورىن زەرەندىلىك تۇرماحانبەت بوگەنبايەۆ الدى.

«اسىق اتۋ» ويىنى ءتۇرى بويىنشا 1- جانە 2- ورىنداردى كوكشەتاۋلىق يە بولعان سانجار نىعماتۋللين مەن ءوزارا بولىسسە، 3- ورىنعا زەرەندىلىك الماس سىزدىكوۆ لايىق دەپ تانىلدى.

جەڭىمپازدار ديپلوم، العىس حات جانە باعالى سىيلىقتارمەن ماراپاتتالدى.

    

اۆتور: اسلان وسپانوۆ