داعدارىس كەسىرىنەن 4 ميلليون ادام ۇيلەرىن تاستاپ بوسىپ كەتكەن
بۇل تۋرالى يتاليادا ىسساپارىمەن جۇرگەن ب ۇ ۇ باس حاتشىسى پان گي مۋن حابارلايدى، دەپ جازادى khabar.kz.
داعدارىس پەن سوعىستان قاشقان جۇرتتىڭ نوپىرىنەن، اسىرەسە كورشىلەس ليۆان، يوردانيا، تۇركيا مەن يراك اسا قاتتى زارداپ شەگۋدە. بۇگىندە ليۆان تۇرعىندارىنىڭ تورتتەن ءبىرى - سيريالىق بوسقىندار.
ايتا كەتەيىك، سيريادا 2011 -جىلدان بەرى ازاماتتىق سوعىس ءجۇرىپ جاتىر. سالدارىنان 2 ميلليون تۇرعىن شۇعىل گۋمانيتارلىق كومەككە مۇقتاج. تاعى جارتى ميلليوننان استامى كارى قۇرلىق ەلدەرىنەن ساياسي باسپانا سۇراعان. جالپى ەۋروداقتا ميگرانتتارعا قاتىستى تۋىنداعان احۋال ەكىنشى دۇنيەجۇزىلىك سوعىستان كەيىنگى ەڭ كۇردەلى داعدارىستاردىڭ بىرىنە اينالىپ وتىر.
«سول سەبەپتى بۇگىندە الەمدەگى 60 ميلليون ادامدى بوسقىنعا تەڭەۋگە بولادى، - دەيدى پان گي مۋن.
بوسقىندار ماسەلەسى قازىر باستى نازاردا. قازىر ءبىزدىڭ ەلىمىزدە دە 700 گە جۋىق بوسقىن تۇرىپ جاتىر. ەكونوميكا جانە بەيبىتشىلىك ينستيتۋتىنىڭ ساراپتاماسى بويىنشا قازاقستان بيىل 162 ەلدىڭ ىشىندە بەيبىتسۇيەرلىگى بويىنشا 87-ورىنعا شىعىپتى.
كوشى-قون پوليتسياسى دەپارتامەنتىنىڭ مالىمەتىنشە، ولاردىڭ دەنى تاجىك، حازار، وزبەك، اراب جانە باسقا دا ۇلت وكىلدەرى. باسىم بولىگى اۋعانستاننان كەلگەندەر. سونداي-اق از دا بولسا سيريا، ەفيوپيا، ساماليدان جەتكەندەرى دە ءبىزدىڭ ەلدە بەيبىت عۇمىر كەشىپ جاتىر. ولاردىڭ بارلىعى الەۋمەتتىك كومەككە يە.
