ن. نازاربايەۆ: تاجىكستاندا 4 -قىركۇيەكتە ورىن العان وقيعاعا سىرتتاعىلار ىقپال ەتۋى مۇمكىن
تاجىكستان پرەزيدەنتى ەمومالي راحمونمەن كەلىسسوزدەردەن كەيىنگى بىرلەسكەن مالىمدەمەدە ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.
«تاجىكستان ەلى اۋعانستانمەن شەكارالاسا وتىرىپ، لاڭكەستىكپەن جانە ەكسترەميزممەن كۇرەستىڭ جۇزىندە تۇر. وسىندا تۇراقسىزدىق ورناتۋ ءۇشىن تاجىكستاندى ۇنەمى تۇرتپەكتەپ تۇرادى. مەملەكەتتىڭ ىشىندە ورىن العان سوڭعى وقيعا سىرتتاعىلاردىڭ ارالاسۋىنىڭ ىقپالىنسىز بولماۋى مۇمكىن. وسى قيىندىقتاردىڭ بارلىعىن ءبىز بىلەمىز جانە وسى جەردە تاجىكستان الدىڭعى شەپ ىسپەتتەس. بۇل تۇرعىدا ءبىزدىڭ قۇقىق قورعاۋ ورگاندارىمىز، ارنايى ورگاندار ىنتىماقتاسا جۇمىس ىستەۋى كەرەك دەپ سانايمىز»، - دەدى ن. نازاربايەۆ.
ەستەرىڭىزگە سالا كەتەيىك، 4 -قىركۇيەكتە دۋشانبەدە جانە ۆاحداتتا ميليتسيا قىزمەتكەرلەرىنە شابۋىل جاسالىپ، ونىڭ سالدارىنان توعىز قىزمەتكەر كوز جۇمدى. سول كەزدە بيلىك تاراپى بۇل شابۋىلدارعا تاجىكستان قورعانىس ءمينيسترىنىڭ بۇرىنعى ورىنباسارى ابدۋحاليم نازارزودا باسقارعان قارۋلى توپ جاۋاپتى ەكەنىن مالىمدەگەن ەدى.
11 كۇنگە سوزىلعان ارنايى وپەراتسيا بارىسىندا توپتىڭ 150 گە جۋىق مۇشەسى جويىلدى جانە ۇستالدى.
اۆتور: رۋسلان عابباسوۆ