18:05, 14 - قىركۇيەك 2015 | GMT +6
قازاقستاندىقتار جەكە كۋالىكتى 4 كۇن ىشىندە الا الادى
استانا. قازاقپارات - قازاقستان ازاماتتارىنا ءتولقۇجات پەن جەكە كۋالىك 15 كۇننىڭ ىشىندە بەرىلەدى، - دەپ حابارلايدى الماتى ءى ءى د باسپا ءسوز قىزمەتى.
«ازاماتتارعا قۇلاققاعىس، ىشكى ىستەر مينيسترىلىگى مەملەكەتتىك قىزمەت كورسەتۋ مەرزىمىن 30 دان 15 جۇمىس كۇنىنە قىرقارتۋ بويىنشا «قازاقستان رەسپۋبليكاسىنىڭ ازاماتتارىنا ءتولقۇجات پەن جەكە كۋالىكتى بەرۋ» پيلوتتىق جوباسىن وتكىزۋ تۋرالى شەشىم قابىلدادى»، - دەلىنگەن حابارلامادا.
وسىلايشا، 2015 -جىلدىڭ 1-قىركۇيەگىنەن باستاپ، اسىعىستىقتىڭ ءبىرىنشى دەڭگەيىنە جاتاتىنداردان وزگە، ەكىنشى جانە ءۇشىنشى دارەجەدەگىلەر ءۇشىن قۇجاتتى ازىرلەۋ مەرزىمى قىسقارتىلادى.
«ەندى ءوتىنىش راسىمدەلگەن كۇننەن باستاپ اسىعىستىقتىڭ ءبىرىنشى دارەجەسى بويىنشا تاپسىرعاندارعا دايىن قۇجاتتى ۇسىنۋ مەرزىمى ءتورت جۇمىس كۇنى بولادى»، - دەلىنگەن باسپا ءسوز مالىمدەمەسىندە.