07:38, 28 - تامىز 2015 | GMT +5
قاسيەتتى قاعبا 4 قابات ماتافپەن قورشالماق
استانا. قازاقپارات - قاسيەتتى مەككەدەگى قاعبا قىركۇيەك ايىنىڭ باسىنا دەيىن 4 قابات اينالما ماتافپەن (قاجىلار قاعبانى اينالۋ كەزىندە جۇرەتىن كەڭىستىك) قورشالاتىن بولادى.

قاسيەتتى قوس مەشىت ءىسى جونىندەگى باس پرەزيدەنتتىكتەگى جوبا مەنەدجەرى سۇلتان ءال- قۇراشي قازىرگى ۋاقىتتا قۇرىلىستىڭ 3 قاباتى سالىنىپ بىتكەنىن حابارلادى. ول 76000 تەكشە مەتر جەردى الىپ جاتىر. ءال- قۇراشي ءال- حارام مەشىتى ساعاتىنا 114000 ادامدى قابىلداي الاتىنىن دا اتاپ ءوتتى.
بارلىق قۇرىلىس جۇمىستارى قاجىلاردىڭ قۇلشىلىق راسىمدەرىن ورىنداۋىنا كەدەرگى كەلتىرمەس ءۇشىن 9 - قىركۇيەككە دەيىن اياقتالۋى ءتيىس. كەڭەيتۋ جۇمىستارى 14- قازاندا قايتا جاڭعىرتىلا باستايدى، دەپ حابارلايدى «نۇر استانا» پورتالى.