04:06, 28 - شىلدە 2015 | GMT +5
پاۆلودار قالاسىندا 4- قاباتتاعى بالكونعا شىعىپ كەتكەن ءبۇلدىرشىن قۇتقارىلدى - فوتو
استانا. قازاقپارات - پاۆلودار قالاسىندا جەكسەنبى كۇنى اتا- اناسى ۇيدە جالعىز قالدىرىپ كەتكەن جاس بالانىڭ 4- قاباتتاعى بالكونعا شىعىپ كەتكەن.
شىنىمەن جابىلماعان اشىق بالكوندا كىشكەنتاي بالانىڭ جۇرگەنىن كورىپ، كورشىلەرى «112» تەلەفونىنا دەرەۋ قوڭىراۋ شالعان.
«وقيعا ورنىنا جەدەل جەتكەن قۇتقارۋشى جىگەر راشيد بەسىنشى قاباتتان ءتۇسىپ، زارەسى ۇشقان كىشكەنتاي بۇلدىرشىنگە قۇتقارۋ شالماسىن تاعىپ، ءۇشىنشى قاباتتاعى بالكونعا ءتۇسىرىپ، كورشىلەرىنىڭ قولىنا امان- ەسەن تابىستادى»، دەپ حابارلايدى پاۆلودار وبلىستىق ت ج د- ىنەن.
ءدال وسى كۇنى اقسۋ قالاسىندا ەكىنشى قاباتتان ۇلكەندەردىڭ قاراۋىنسىز ۇيدە جالعىز قالعان ەكى بالا قۇتقارىلدى.
«وسى ەكى جاعدايدا دا بالكوندار شىنىمەن جابىلماعان. جايسىز وقيعانىڭ بولماۋىنا ءبىر جاعدايدا كورشىلەردىڭ، ەكىنشى جاعدايدا كوشەدە ءوتىپ بارا جاقتان ادامداردىڭ جاناشىرلىعى سەپتىگىن تيگىزدى»، دەپ اتاپ وتىلگەن حابارلامادا.
