قازاقستاننىڭ باسىم اۋماقتارىندا 4 - شىلدەدە جاڭبىر جاۋادى، وڭتۇستىك پەن باتىستا - قۇمدى داۋىل
سونداي- اق جەل كۇشەيەدى، كەيبىر جەرلەردە بۇرشاق ءتۇسۋ ىقتيمال. ال وڭتۇستىكتە، وڭتۇستىك شىعىستا جانە باتىستا كۇن اشىق، كۇندىز كەي جەرلەردە قۇمدى داۋىل بولۋى ىقتيمال، دەپ حابارلايدى «قازگيدرومەت».
اقمولا، سولتۇستىك قازاقستان، پاۆلودار، شىعىس قازاقستان وبلىستارىندا كەي جەرلەردە جەلدىڭ جىلدامدىعى 15-20 م/س. قا جەتەدى، بۇرشاق جاۋۋى مۇمكىن.
قوستاناي، اقتوبە، قاراعاندى وبلىستارىنىڭ كەي جەرلەرىندە، كۇندىز وڭتۇستىك قازاقستان، قىزىلوردا، جامبىل، باتىس قازاقستان، اتىراۋ، ماڭعىستاۋ وبلىستارىندا كەي جەرلەردە جەلدىڭ جىلدامدىعى15-20 م/س- قا جەتەدى. ال كۇندىز قىزىلوردا وبلىسىندا كەي جەرلەردە قۇمدى داۋىل تۇرادى.
الماتى وبلىسىنىڭ باسىم بولىگىندە جەلدىڭ كۇشى 15-20 م/س. -قا جەتۋى ىقتيمال، كەي جەرلەردە قۇمدى داۋىل بولادى.
كۇندىز جامبىل وبلىسىندا، سونداي- اق ماڭعىستاۋ وڭىرىندە اپتاپ ىستىق ساقتالادى.
الماتى، وڭتۇستىك قازاقستان وبلىستارىندا كۇندىز اپتاپ ىستىق، كەي جەرلەردە وتە كۇشتى اپتاپ كۇتىلەدى.
