قازاقستان سوڭعى ءۇش جىلدا 4 مىڭنان استام شەتەلدىك عىلىمي مامان تارتتى
بۇل تۋرالى primeminister.kz حابارلادى.
«شاقىرىلعان عالىمدار سانى سوڭعى 3 جىلدا 4401 ادامدى قۇرادى، ونىڭ ىشىندە ەۋروپادان 1886، وڭتۇستىك-شىعىس ازيادان 237، ا ق ش- تان 403، كانادادان 11، رەسەيدەن 1294، بەلارۋستەن 69»، - دەدى ا. تولەشوۆ.=
ءتوراعا ورىنباسارى اتاپ وتكەندەي، مەملەكەت قازىر شەتەلدەردە جۇمىس جاساپ جاتقان وتاندىق قازاقستاندىق عالىمداردى قايتارۋدىڭ جانە تالانتتاردىڭ كەتۋىنە جول بەرمەۋدىڭ بەلسەندى ساياساتىن جۇرگىزۋدە.
ونىڭ ايتۋىنشا، ۇلتتىق ۋنيۆەرسيتەتتەردە جانە نازاربايەۆ ۋنيۆەرسيتەتتە شەتەلدىك عالىمداردىڭ ەل اۋماعىنا كەلۋى ءۇشىن الەۋمەتتىك-ەكونوميكالىق شارتتار قاراستىرىلعان. ونىڭ ىشىندە، ساقتاندىرۋ، بىلىكتىلىكتى ارتتىرۋ، سىياقىلار، ماتەريالدىق كومەك، باسپانا ۇسىنۋ، تۇرعىن ۇيگە شىعىنداردى وتەۋ، جاتاقحانالار سالۋ، سپورتپەن اينالىسۋعا مۇمكىندىك قاراستىرىلعان.
«نازاربايەۆ ۋنيۆەرسيتەت» ا ق- دا وسى جىلدارى 350 دەن استام شەتەلدىك عالىم تارتىلعان، ونىڭ ىشىندە 26 قازاقستاندىق عالىم نەگىزىنەن ۇلى بريتانيادان، كانادادان، فرانسيادان، يتاليادان، نيدەرلاندىدان جانە باسقا ەلدەردەن»، - دەپ تولىقتىردى ول.
