اقمولا وبلىسىندا 4 اۋىلدى سۋ باستى
بۇل تۋرالى بۇگىن ق ر ءى ءى م ت ج ك توتەنشە جاعدايلاردى جويۋ باسقارماسىنىڭ باسشىسى الەكسەي سوۆەتوۆ ءمالىم ەتتى.
«اقمولا وبلىسىندا نۇرا وزەنى سۋى دەڭگەيىنىڭ كوتەرىلۋىنە بايلانىستى سوڭعى تاۋلىك ىشىندە تسەلينوگراد اۋدانىنىڭ 4 ەلدى مەكەنىندە 39 ءۇيدى سۋ باستى. سەلينوگراد اۋدانىنىڭ 8 ەلدى مەكەنىنەن بارلىعى 595 ادام ءقاۋىپسىز جەرگە كوشىرىلىپ، 3 ادام قۇتقارىلدى»، - دەدى ول بۇگىن استانادا وتكەن بريفينگتە.
ونىڭ سوزىنە قاراعاندا، قوسشى جانە نۇرا وزەنى بوگەتتەرىن نىعايتۋ بويىنشا جۇمىستار بارلىق جەردە جۇرگىزىلۋدە. ەلدى مەكەندەردە سۋدى سورىپ الۋ، ۇيلەر مەن جولداردىڭ اينالاسىنا توپىراق ءۇيۋ بويىنشا جۇمىستار جالعاستىرىلىپ جاتىر.
«سەلينوگراد اۋدانىنىڭ تايتوبە اۋىلىنان 6 ادام ەۆاكۋاتسيالاندى، ونىڭ تورتەۋى بالا. اعاناس اۋىلىندا 21 تۇرعىن ءۇيدى سۋ باستى، ولاردان 11 ادام قاۋىپسىز جەرگە كوشىرىلدى. توتەنشە جاعداي ورنىنا ازىق- تۇلىك ونىمدەرى مەن كولىك تەحنيكاسىنا ارنالعان جانار-جاعارماي ماتەريالدارى جەتكىزىلدى. سونىمەن قاتار قىزىل جار اۋىلىندا 3 تۇرعىن ءۇيدى سۋ باستى. اقمول اۋىلىندا سۋ استىندا قالعان 7 ءۇيدىڭ تۇرعىندارى تۋىستارىنىڭ ۇيىنە ورنالاستىرىلدى»، - دەيدى ا. سوۆەتوۆ.
نۇرا اۋىلىنا سۋ جايىلۋ قاۋىپى تۋىنداعاندىقتان، 120 ايەل ادام مەن بالا ەۆاكۋاتسيالاندى. ولار كورشى اۋىلدارداعى جانە استانا قالاسىنداعى تۋىستارىنىڭ ۇيىنە كوشىرىلدى.
اۆتور: جاسۇلان جولدىبايەۆ
