قازاقستان، ا ق ش جانە ۇلى بريتانيا اسكەري قىزمەتشىلەرى سپورتتىڭ 4 تۇرىنەن كۇش سىناستى- فوتو
باسەكە سپورتتىڭ 4 تۇرىنەن: ارمرەستلينگ، گىر كوتەرۋ، ارقان تارتۋ جانە ەستافەتا بويىنشا ۇيىمداستىرىلدى.
جارىستىڭ قورىتىندىسى بويىنشا جالپىكوماندالىق ءبىرىنشى ورىندى قازبريگ جەڭىپ الدى، ەكىنشى ورىندى - ۇلى بريتانيا ارمياسىنىڭ كومانداسى يەلەنسە، ءۇشىنشى ورىنعا ا ق ش اسكەري قىزمەتشىلەرى تابان تىرەدى.
بۇدان باسقا ارمرەستلينگتەن 1- ورىندى قازبات بىتىمگەرشىلىك باتالونىنىڭ كەلىسىمشارت بويىنشا اسكەري قىزمەتشىسى سەرجانت ن. سايابايەۆ، 2- ورىندى ەفرەيتور ا. بەكەنوۆ، 3- ورىندى - ا ق ش ارمياسىنىڭ اسكەري قىزمەتشىسى ەريك تراس يەلەندى.
گىر تاسىن (24 ك گ) كوتەرۋدەن كاپيتان ا. سپيريدونوۆ (ق ر ق ك ق ءا ايەرو ۇتقىر اسكەرلەرى) ۇزدىك شىقتى. ەكىنشى ورىندى - ا ق ش قارۋلى كۇشتەرىنىڭ وكىلى، ءۇشىنشى ورىندى - قازبات بىتىمگەرلىك باتالونىنىڭ كەلىسىمشارت بويىنشا اسكەري قىزمەتشىسى اعا سەرجانت ق. پازىلبەكوۆ الدى.
جەڭىمپازدارعا گراموتالار، مەدالدار مەن اۋىسپالى كۋبوك تابىس ەتىلدى. ناگرادتاۋ ءراسىمىن ايەرو ۇتقىر اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك رۋسلان مۇزدىبايەۆ وتكىزدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
