بوسقىندارعا ارناپ 4 ساعاتتا قۇراستىرىلاتىن باسپانا شىعارىلدى
بۇل تۋرالى newsru.com حابارلايدى.
جوباعا Better Shelter - «ەڭ جاقسى باسپانا» دەگەن اتاۋ بەرىلدى. IKEA تاپسىرىس بويىنشا تەز قۇرىستىراتىن 10 مىڭ باسپانا جاساپ شىعارادى.
ونىڭ العاشقى لەگى وسى جازدا جەتكىزىلمەك. مۇنداي ءار ءۇيدىڭ جارىعى كۇن باتارەيالارىنان قامتاماسىز ەتىلەدى. ال پلاستيك كوبىكتەن قۇيىلعان پانەلدەر باسپانانى جىلى ەتەدى. مۇنداي ءۇيدىڭ اۋدانى شامامەن 17,5 شارشى مەتر. وندا 5 ادامعا دەيىن تۇرۋىنا بولادى، ال باعاسى شامامەن 1150 دوللار تۇرادى.
ونى قۇرۋ ءۇشىن 4 ساعات ۋاقىت كەتەدى. مۇنداي باسپانانىڭ باعاسى قاراپايىم شاتىرلاردان ەكى ەسە قىمبات بولسا دا، ونى 3 جىلدان استام ۋاقىت بويى پايدالانۋعا بولادى. ال شاتىرلار تەك عانا جارتى جىلعا عانا شىدايدى.
سوڭعى جىلدار ب ۇ ۇ- نىڭ بوسقىندار ءىسى جونىنەن باسقارماسى ءۇشىن وڭايعا سوقپاعانى ءمالىم. سەبەبى 4 جىلعا سوزىلعان سيرياداعى سوعىس كەسىرىنەن 8 ميلليون حالىق بوسىپ كەتكەن. جالپى وتكەن جىلى الەمدەگى بوسقىندار سانى رەكوردتىق كورسەتكىشكە جەتكەن.
