شىركەۋ قىزمەتكەرلەرى جاسوسپىرىمدەردى 4 جىل بويى زورلاپ كەلگەن
استانا. قازاقپارات - ريم پاپاسى فرانتسيسك الەمدەگى بۇكىل ەپيسكوپتارعا زورلىق-زومبىلىققا ۇشىراعان بالالاردى قورعاۋ كوميسسياسىمەن بىرلەسىپ جۇمىس جاساۋدى بۇيىردى، دەپ حابارلايدى Bnews.kz.
«شىركەۋدى بالالارعا زورلىق جاساۋشىلاردان تازارتىپ، بالالاردىڭ پەدوفيلدەردىڭ ۋىسىنا ءتۇسىپ قالۋدان قورعاۋعا ءبىر كىسىدەي اتسالىسايىق. دىنىمىزدە جاسوسپىرىمدەرگە زورلىق كورسەتۋشىلەرگە كەشىرىم جوق»، - دەيدى ريم پاپاسى.
زورلىق-زومبىلىققا ۇشىراعان كوميسسيا مۇشەسى ماري كوللينزدىڭ ايتۋىنشا، يرلانديالىق ەپيسكوپتار پەدوفيلدەردىڭ ءىس-ارەكەتى جايلى ەسكەرتەتىن شارالاردى ەنگىزۋگە قارسى شىعىپ وتىر.
قاڭتار ايىنىڭ سوڭىندا يسپانيا سوتى 4 جىل ىشىندە 4 جاسوسپىرىمدەردى بىرنەشە رەت زورلاعان 10 شىركەۋ قىزمەتكەرىن سوتتادى.
فرانتسيسك 2013 - جىلى قىزمەتكە تاعايىندالعالى پەدوفيلدەرمەن كۇرەستى كۇشەيتەتىنى جايلى جاريالاعان بولاتىن. 2014 - جىلدىڭ ساۋىرىندە ول بالالاردى زورلاعان شىركەۋ قىزمەتكەرلەرىنىڭ ارەكەتى ءۇشىن حالىقتان كەشىرىم سۇرادى. ال ارادا 1 اي وتكەندە ولاردىڭ ءىسىن «شايتاننىڭ ىسىنە» بالاپ، ولاردى ايىپتادى.
جالپى، ۆاتيكاننىڭ ەسەبى بويىنشا سوڭعى 10 جىل ىشىندە شىركەۋ قىزمەتكەرلەرى 3420 رەت جاسوسپىرىمدەرگە زورلىق كورسەتكەن.
