ءسابيلى بولعان ايەلدەر ءۇشىن 4 ميلليارد تەڭگەدەن استام زەينەتاقى جارناسى تولەندى

استانا. قازاقپارات - 2014 - جىلى مەملەكەت ءسابيلى بولۋىنا بايلانىستى دەمالىسقا شىققان ايەلدەر ءۇشىن 4 ميلليارد تەڭگەدەن استام زەينەتاقى جارناسىن تولەدى، - دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.

مينيسترلىكتىڭ مالىمەتىنشە، 2014 - جىلدىڭ 1 - جەلتوقسانىنداعى مالىمەتكە قاراعاندا، 101024 انانىڭ جەكە زەينەتاقى ەسەپشوتىنا 4,06 ميلليارد تەڭگە اۋدارىلعان. رەسپۋبليكالىق قازىنا قارجىسى ءسابيلى بولۋىنا بايلانىستى دەمالىسقا شىققان جۇمىسشى ايەلدەردىڭ مىندەتتى زەينەتاقى جارناسىن سۋبسيديالاۋ تۇرىندە تولەندى.

ەسكە سالا كەتەيىك، 2014 - جىلدىڭ 1 - قاڭتارىنان باستاپ سابيلەرى ءبىر جاسقا تولعانشا دەمالىستا بولاتىن جۇمىس ىستەيتىن ايەلدەر ءۇشىن مىندەتتى زەينەتاقى اقشاسىن مەملەكەت تاراپىنان جۇرگىزىپ وتىرۋ ەنگىزىلگەن ەدى. ول سۋبسيديا جارناسىنىڭ ورتاشا مولشەرى - 4021 تەڭگە.

ايتا كەتەيىك، 2015 - جىلعى 1 - قاڭتاردان باستاپ قازاقستاندىقتاردىڭ زەينەتاقى مولشەرى %9 عا كوبەيدى. بۇل ماقساتقا رەسپۋبليكالىق بيۋدجەتتەن 1 تريلليون 168,7 ميلليارد تەڭگە قاراستىرىلعان.