اپاتقا ۇشىراعان مالايزيالىق ۇشاقتىڭ 4 ءىرى سىنىعى تابىلدى

استانا. قازاقپارات - AirAsia اۋە كومپانياسى ۇشاعى اپاتقا ۇشىراعان جەردى ىزدەۋ كەزىندە ۇشاقتىڭ ءتورت ءىرى سىنىعى تابىلدى. بۇل تۋرالى يندونەزيانىڭ قورعاۋ جانە ىزدەۋ اگەنتتىگىنىڭ جەتەكشىسى بامبانگ سوەليستي حابارلادى.

ۇشاق سىنىقتارىن زەرتتەۋ ءۇشىن سۇڭگۋىر قايىقتار مەن سۇڭگۋىرلەر جۇمىلدىرىلعان. جۇمىسقا قاتتى جەل مەن اساۋ تولقىن بوگەت كەلتىرىپ وتىر.

 قۇتقارۋشىلار توبى ۇشاقتى ىزدەۋ بارىسىندا وقيعا ورنىنان 30 ادامنىڭ مۇردەسىن تاپتى.

يندونەزيانىڭ سۋرابايا قالاسىنان سينگاپۋرعا باعىت العان Airbus А320 ۇشاعىنىڭ بورتىندا 162 ادام بولعان. جولاۋشىلاردىڭ 3-ەۋى وڭتۇستىك كورەيالىق، 1- ەۋى بريتاندىق، 1- ەۋى مالايزيالىق، 1-ەۋى سينگاپۋرلىك، ال قالعان 157- يندونەزيا تۇرعىندارى ەكەن.

 بۇل تۋرالى bbc حابارلايدى.