الماتىدا كوكتايعاقتىڭ كەسىرىنەن 4 ماشينا سوقتىعىستى - فوتو

الماتى. قازاقپارات - الماتىدا كوكتايعاقتىڭ سالدارىنان كولىك اپاتى ءجيى ورىن الۋدا. بۇگىن قونايەۆ پەن مامەتوۆا كوشەلەرىنىڭ قيىلىسىندا «وپەل» ماركالى كولىك كوكتايعاقتىڭ كەسىرىنەن دەر كەزىندە توقتاي الماي، قاراما- قارسى باعىتقا شىعىپ كەتكەن. ءسويتىپ، قارسى زۋلاپ كەلە جاتقان «تويوتا» كولىگىنە سوقتىعىسىپ، شەتتە تۇرعان «تويوتا» مەن «شكودا» كولىكتەرىن سوققان.

وقىس وقيعا سالدارىنان جاپا شەككەن ادامدار جوق. قازىر بۇل جەردە جول پوليتسياسى قىزمەتكەرلەرى جۇمىس جاساپ جاتىر.

 ەستەرىڭىزگە سالا كەتەيىك، كەشە الماتىدا ۇزدىكسىز قار جاۋىپ، جول قوزعالىسى قيىنداعان.

قالالىق ءى ءى د باسپا ءسوز حاتشىسى سالتانات ازىربەكتىڭ ايتۋىنشا، ءبىر تاۋلىكتىڭ ىشىندە كوكتايعاقتىڭ سالدارىنان 122 جول اپاتى ورىن العان. ولاردىڭ كوبى قىسقى دوڭگەلەكتى اۋىستىرىپ ۇلگەرمەگەن جۇرگىزۋشىلەر ەكەندىگى انىقتالدى. بۇل جايتتاردان ادامدار جاپا شەكپەگەن.

ىشكى ىستەر دەپارتامەنتىنىڭ وكىلى جۇرگىزۋشىلەردى ءوزىنىڭ جانە وزگەنىڭ ومىرىنە جاۋاپكەرشىلىكپەن قاراپ، قاۋىپسىزدىك شارالارىن ساقتاۋعا شاقىردى.

«قازگيدرومەت» ر م ك بولجامىنا سايكەس، اپتانىڭ سوڭىنا دەيىن الماتىدا اۋا رايى جىلىنا باستايدى. الايدا تۇندە اۋا تەمپەراتۋراسى -8, -13 گرادۋسقا دەيىن جەتۋى مۇمكىن. سوندىقتان كوكتايعاق پەن تۇمان اپتانىڭ سوڭىنا دەيىن ساقتالادى.

اۆتور: گۇلميرا عوسمانالي