08:44, 08 - قازان 2014 | GMT +5
بالاباقشا بۇلدىرشىندەرىنە 4 جاسار قىز گەروين تاراتقان
استانا. قازاقپارات - امەريكانىڭ دەلاۆەر شتاتىندا 4 جاسار ءسابي بالاباقشاعا كەلگەن سوڭ دوستارىنا گەروين سالىنعان قاپشىقتار تاراتقان. ول سومكەسىنەن تابىلعان ەسىرتكىنى تاتتىگە بالاعان دەپ حابارلايدى شەتەلدىك ب ا ق.
سەلبيۆيل قالاسىنىڭ بالالار باقشاسىنىڭ تاربيەشىلەرى بالالاردىڭ اق ۇنتاق سالىنعان قاپشىقتار ۇستاپ جۇرگەنىن بايقاپ قالعان. بالالار مەكەمەسىنە دەرەۋ جەتكەن پوليتسيا قىزمەتكەرلەرى بۇل زاتتىڭ گەروين ەكەنىن انىقتاپ، ءبۇلدىرشىننىڭ سومكەسىن تەكسەرگەندە، ودان ەسىرتكى زاتى سالىنعان قالعان قاپشىقتار تابىلعان. جالپى سانى 249 قاپشىق گەروين الىنعان، ولاردىڭ جالپى سالماعى ءتورت گرامعا جۋىق اپيىندى قۇرادى.
تەرگەۋ امالدارى كورسەتكەندەي، بۇلدىرشىنگە ەسىرتكى سالىنعان سومكەنى 30 جاستاعى اناسى بەرگەن. قىزىنىڭ ريۋكزاگىن ۇيىندەگى ءيتى جىرتىپ تاستاعاندىقتان، ول بالاسىنا ءوزىنىڭ ريۋكزاگىن بەرگەن، الايدا ونىڭ قالتاسىنا جاسىرعان ەسىرتكى زاتتارى تۋرالى ۇمىتىپ كەتكەن. بالاباقشاعا كەلگەن سوڭ اڭعال ءسابي ولاردى تاتتىگە بالاپ، باسقا بۇلدىرشىندەرگە تاراتقان.
