ن. نازاربايەۆ كاسپي ماڭى مەملەكەت باسشىلارىنىڭ 4 - ءسامميتىنىڭ جۇمىسىنا قاتىسادى
وسى فورۋمنىڭ قارساڭىندا ق ر ءسىم ەرەكشە تاپسىرمالار بويىنشا ەلشىسى ءزۇلفيا امانجولوۆا باق وكىلدەرىنە سۇحبات بەردى.
«الداعى سامميتتە كاسپي تەڭىزىنىڭ بولاشاق قۇقىقتىق مارتەبەسى كونۆەنسياسىمەن بايلانىستى ماسەلەلەردى تالقىلاۋ جوسپارلانۋدا. سامميتتە ۇكىمەت ارالىق 3 كەلىسىمگە قول قويىلادى دەپ جوسپارلانۋدا: بىرەۋى بيو رەسۋرستارىن ساقتاۋ مەن قورعاۋعا، ەكىنشى كەلىسىم كاسپي تەڭىزىنىڭ الابىندا توتەنشە جاعدايلار تۋىنداعان جاعدايداعى ءوزارا ءىس- قيمىلعا جانە ءۇشىنشى كەلىسىم كاسپي تەڭىزىنىڭ گيدرو مەتەورولوگياسىنا قاتىستى» ، - دەدى ز. امانجولوۆا.
ەرەكشە تاپسىرمالار بويىنشا ەلشى اتاپ وتكەندەي، كاسپي تەڭىزىنىڭ قۇقىقتىق مارتەبەسىمەن بايلانىستى ءسامميتتىڭ تاقىرىبى ايتارلىقتاي كەڭ جانە ماسەلە قانداي دا ءبىر سۇراققا قاتىستى دەپ ايتۋ قيىن.
«بارلىق ماسەلەلەر ءوزارا بايلانىستى جانە سول سەبەپتى كاسپي تەڭىزىنىڭ قۇقىقتىق مارتەبەسىمەن بايلانىستى سۇراقتار كەشەنى بويىنشا ءوزارا ءتيىمدى شەشىم تابۋ كەرەك. دەلەگاتسيالار كاسپي تەڭىزىن سۋ قويماسى رەتىندە قاراپ، ونى مەجەلەۋ، قىزمەتىن پايدالانۋدىڭ ورتاق ەرەجەلەرىن ورناتۋ توڭىرەگىندە كەلىسسوزدەر جۇرگىزەدى» ، - دەپ قوستى ز. امانجولوۆا.
ەرەكشە تاپسىرمالار بويىنشا ەلشى قازاقستاندىق تاراپتىڭ وتكەن عاسىردىڭ 90- جىلدارى قالىپتاسقان ءوز پوزيتسياسىن قورعاپ قالماقشى ەكەندىگىن اتاپ ءوتتى. بۇل پوزيتسيا بىرىككەن ۇلتتار ۇيىمىنىڭ رەسمي قۇجاتى رەتىندە تاراتىلدى. «قازاقستاننىڭ ۇستانىمى مىناداي: كاسپي تەڭىزىنىڭ اكۆاتورياسىن مەجەلەۋ، اكۆاتوريادا ايماقتىق تەڭىز، بالىق اۋلاۋ ايماعى مەن جالپى سۋ كولەمى بولۋى ءتيىس. شەكاراسىن بەلگىلەۋگە قاتىستى قازاقستان تەڭىزدىڭ ءتۇبى شەكارالاس مەملەكەتتەر ءوزارا كەلىسۋىمەن، حالىقارالىق قۇقىقتىڭ جالپىعا بىردەي تانىلعان ادىستەرى مەن پرينسيپتەرى قولدانىلۋى ءتيىس ەكەندىگىن جاقتايدى»، - دەپ ءتۇسىندىردى ز. امانجولوۆا.
