08:06, 19 - قىركۇيەك 2014 | GMT +5
اكتەرگە قورقىتىپ حات جىبەرگەن ايەل 4 جىلعا سوتتالدى
استانا. قازاقپارات - ا ق ش-تاعى ماسساچۋسەتس شتاتىنىڭ تۇرعىنى ليندا-لۋيز كالكين 4 -جىلعا سوتتالدى. ول گولليۆۋد اكتەرى كيەۆين سپەيسيدى قورقىتىپ حات جولداعان.
امەريكالىق ب ا ق حابارلاعانداي، بۇل ۇكىمدى بوستون سوتى شىعاردى.
تەرگەۋ دەرەكتەرىنشە، ەلەكتروندىق پوشتاعا جىبەرىلگەن حاتتاردا 55 جاستاعى كالكين سپەيسيدى «قيناپ، جارىپ جىبەرەتىنى» تۋرالى جازعان.
كالكين 2012-جىلدىڭ قاڭتارىندا ۇستالدى. وسى كۇنگە دەيىن تۇرمەدە وتىرعان. ەندى ول ءبىر جارىم جىلدان كەم ۋاقىت جازاسىن وتەيتىن بولادى. سونىمەن قاتار، امەريكالىق ايەل اكتەرگە 124 مىڭ دوللار تولەۋگە ءماجبۇر. بۇل قاراجاتتى اكتەر كۇزەتشىلەردى جالداۋ ءۇشىن جۇمساعان.
سپەيسي «كۇدىكتى تۇلعالار» (The Usual Suspects, 1995) جانە «امەريكالىق اسەمدىك» (American Beauty, 1999) كينولارىنداعى رولدەرى ءۇشىن «وسكارا» سىيلىعىنا يە بولعان.
