07:31, 25 - شىلدە 2014 | GMT +5
رونالدۋدىڭ 4 جاسار ۇلى سۋروگاتتى اناسىنىڭ كىم ەكەنىن بىلگىسى كەلەدى
استانا. قازاقپارات - كريشتيانۋ رونالدۋدىڭ 4 جاسار ۇلى - كريشتيانينيۋ ءوز اناسىنىڭ كىم ەكەنىن جانە قايدا ەكەنىن بىلگىسى كەلەدى. بۇل تۋرالى The Daily Mail فۋتبولشىنىڭ اپكەسى ەلمانىڭ ءسوزىن مىسال ەتە وتىرىپ، جاريالادى.
مالىمەتتەر بويىنشا، رونالدۋ بالاسىنا ونىڭ سۋروگاتتى انادان تۋعانىن ايتىپ بەرۋگە باتىلى جەتپەگەن.
سوندىقتان، ونىڭ اناسى «اسپان الەمىندە» ەكەندىگىن ايتىپتى.
«كريشتيانينيۋ (جاقىندارى بالانى وسىلاي اتايدى) مۇنداي جاۋاپتان كەيىن توماعا-تۇيىق كۇيگە ءتۇستى.
سودان بەرى اناسى جايلى ەش سۇراق قويعان ەمەس»، - دەيدى ەلما.
رونالدۋ سۋروگاتتى انادان بالا ءسۇيىپ، 2010 - جىلى 17- ماۋسىمدا اكە اتانعان بولاتىن. كريشتيانينيۋدىڭ اناسى كاليفورنيادا دايارشى بولىپ جۇمىس ىستەيدى دەگەن قاۋەسەت بار. رونالدۋدىڭ جانۇياسى بالانىڭ اناسى تۋرالى ەش دەرەك بەرگىسى كەلمەيدى، دەپ جازادى Lenta.ru.
قازىرگى ۋاقىتقا دەيىن فۋتبولشى يرينا شەيك ەسىمدى مودەلمەن رومانتيكالىق بايلانىستا. الايدا، ورىس قىزى بالانىڭ اناسى بولا المايتىنى بەلگىلى.
