15:43, 23 - شىلدە 2014 | GMT +5
شىمكەنتتە كەشەگى 4 ادام قازا تاپقان جول اپاتىنان وعان كىنالى ادام عانا امان قالعان
استانا. قازاقپارات - 22 - شىلدەدە شىمكەنت قالاسىنىڭ مارتوبە كەنتىندە جول اپاتى بولىپ، 4 ادام قازا تاپتى، دەپ حابارلاندى و ق و ءى ءى د سايتىندا.
«25 جاستاعى اقسۋكەنت اۋىلىنىڭ تۇرعىنى «مەرسەدەس- بەنتس-300ە» كولىگىمەن قارسى جولاققا شىعىپ كەتىپ «اۋدي-80» اۆتوموبيلىمەن سوقتىعىسقان. العان جاراقاتتاردان «اۋدي-80» كولىگىنىڭ 28 جاستاعى جۇرگىزۋشىسى، 1960 جانە 1983 - جىلدارى تۋىلعان ەكى ايەل مەن 33 جاستاعى ەر ادام وقيعا ورنىندا كوز جۇمدى. قازا تاپقانداردىڭ بارلىعى وبلىس ورتالىعىنىڭ تۇرعىندارى»، - دەپ حابارلادى و ق و ءى ءى د.
اتالعان فاكتى بويىنشا ق ر ق ك 296-بابى 3-تارماعىنا سايكەس قىلمىستىق ءىس قوزعالدى. جول اپاتىنا كىنالى ازامات قاماۋعا الىندى.
