قازاق عالىمدارى كوكتەم-كۇز ارالىعىندا 4 رەت ورىلاتىن جوڭىشقانىڭ جاڭا سورتىن وسىرۋدە

استانا. قازاقپارات  - اۋىلشارۋاشىلىعىن وركەندەتۋدە عىلىمنىڭ قوسار ۇلەسى مول.

سىربويىلىق عالىمدار جوڭىشقانىڭ جاڭا سورتتارىن وسىرۋدە.

«تۇركىستان-15» جانە «پريارالسكي-19» دەپ اتاۋ بەرىلگەن تۇقىم وڭىرگە ءتان تۇزدى توپىراققا بەيىم جانە ءوسۋ مەرزىمى قىسقا.

بۇعان دەيىن 70 جىلداي «جەتىسۋ» جوڭىشقاسىن ەگىپ كەلگەن ايماق شارۋالارى ءار گەكتاردان 400 سەنتنەردەي ءونىم السا، ەندى جاڭا سورتتاردان 100 كەلىگە دەيىن ارتىق جينالادى دەپ كۇتىلۋدە. عىلىمي ازىرلەنۋىنە 10 جىلداي ۋاقىت كەتكەن «تۇركىستان-15» جانە «پريارالسكي-19» وسكىندەرىنىڭ ساباعى 1,5 مەترگە جەتىپ، قۇراعى قاۋلاپ وسەدى.

ەڭ باستى ارتىقشىلىعى كوكتەم-كۇز ارالىعىندا 4 رەت ورىلادى. مەملەكەتتىك سىناقتان وتكەن اۋىلشارۋاشىلىعى داقىلدارى قاتارىندا «جادىرا-21» اتتى جۇگەرىنىڭ دە جاڭا سورتى بار.

ءومىرزاق ايمۇحامبەتوۆ، ى. جاقايەۆ اتىنداعى قازاق كۇرىش شارۋاشىلىعى ع ز ي جەتەكشى عىلىمي قىزمەتكەرى:

- بۇل سورت قازىر ەگۋگە رۇقسات ەتىلگەن، مەملەكەتتىك سىناقتان وتكەن. ەندى «تۇركىستان-15» تۇقىمى كولەمىن وبلىستا بىرتىندەپ كوبەيتۋ قاجەت. جوڭىشقادان كادىمگى سورت قالىپتاستىرۋ، ونى كەيىن كوبەيتۋ جولى قاراستىرىلۋدا.

24.kz