كوزدى دەمالدىرۋدىڭ 4 امالى- فوتو

استانا. قازاقپارات - كوپ كىتاپ وقىپ نەمەس كومپيۋتەردىڭ الدىندا ۇزاق وتىراتىن ادامدارعا كوزدى ارا- تۇرا دەمالدىرىپ وتىرعان ابزال. ايتپەسە بىرتە- بىرتە جانارىڭىز السىرەي بەرۋى مۇمكىن دەيدى دارىگەرلەر.

 كوزدى دەمالدىرۋدىڭ بۇرىننان بەلگىلى بىرنەشە امالى بار. وقىرماندارىمىزعا تاعى ءبىر ەسكە سالۋ ءۇشىن massaget.kz پورتالى بەرگەن مىنا ءبىر سۋرەتتى اقپاراتتى ۇسىنامىز.

ءبىرىنشى، كوز قاراشىعىن ارەكەتتەندىرۋ. جوعارى- تومەن، وڭعا- سولعا قاراۋ، مۇندا ەڭ ماڭىزدىسى باستى ەمەس، كوزدى ارەكەتتەندىرۋ (سۋرەتتەگىدەي) ؛

 

ەكىنشى، كوزدى جىپىلىقتاتۋ. باستى جوعارى كوتەرىپ كوزدى اشىپ- جۇمىپ ماشىق جاساۋ. بۇل كوز اينالاسىنداعى قان اينالىسىنىڭ جاقسى بولۋىنا سەپتىگىن تيگىزەدى. بۇل ارەكەتتى 2-3 رەت قايتالاۋ كەرەك (سۋرەتتەگىدەي) ؛

  

ءۇشىنشى، ىستىق پەن سۋىقتى كەزەك- كەزەك وتكىزۋ. ەكى ورامال دايىنداڭىز، ونىڭ ءبىرىن تەرىنى كۇيدىرىپ كەتپەيتىندەي ىستىق سۋعا شىلاڭىز، ەندى ءبىرىن مۇزداي سۋىق سۋعا سالىڭىز. سوسىن الدىمەن ىستىق سۋعا سالىنعان ورامالدى كوزگە 5 مينۋت قويىڭىز، ونان سوڭ سۋىق سۋعا مالىنعان ورامالدى كوزگە 5 مينۋت قويىڭىز (ەرەكشە ەسكەرتۋ، ىستىق سۋدىڭ تەمپەراتۋراسى تىم جوعارى بولىپ كەتپەۋى كەرەك، كوز تەرىسى نازىك بولاتىندىقتان ىستىق ورامال كۇيدىرىپ كەتۋى مۇمكىن) .



ءتورتىنشى، الىسقا قاراۋ. الدىمەن الىس جەرلەرگە 3 مينۋت قاراپ تۇرۋ كەرەك، سوسىن قولدىڭ الاقانىنا 1-2 مينۋت، كەيىن قايتا الىسقا قاراۋ. بۇل ارەكەتتى بىرنەشە رەت قايتالاپ جالعاستىرۋ كەرەك.