16:35, 21 - مامىر 2014 | GMT +5
ا ءو س ش ك 4- سامميتىنىڭ قورىتىندى قۇجاتى شاڭحاي دەكلاراتسياسى قابىلداندى
شاڭحاي. قازاقپارات - شاڭحايدا وتكەن ازياداعى ءوزارا ءىس- قيمىل جانە سەنىم شارالارى كەڭەسىنىڭ (ا ءو س ش ك) 4 - سامميتىنىڭ قورىتىندىسىمەن شاڭحاي دەكلاراتسياسى قابىلداندى.
بۇل تۋرالى مەملەكەت باسشىسى نۇرسۇلتان نازاربايەۆ ق ح ر ءتوراعاسى شي جينپيڭ مەن تۇركيا سىرتقى ىستەر ءمينيسترى احمەت داۋىتوگلىنىڭ قاتىسۋىمەن شارا قورىتىندىلارى بويىنشا باسپا ءسوز ءماسليحاتىنىڭ بارىسىندا ءمالىم ەتتى.
«4- ءسامميتتىڭ باستى قورىتىندىسى ا ءو س ش ك شاڭحاي دەكلاراتسياسى بولعانى ءسوزسىز. بۇل قۇجات فورۋمدى ودان ءارى دامىتۋعا جانە قاتىسۋشى ەلدەردىڭ ءتيىمدى ءوزارا ءىس- قيمىلىنا باعىتتالعان» ، - دەدى مەملەكەت باسشىسى.
نۇرسۇلتان نازاربايەۆ شاڭحايداعى ا ءو س ش ك ءسامميتى كەڭەستىڭ تاريحىنداعى عانا ەمەس، قازاقستان- قىتاي قاتىناستارىنىڭ كوپ عاسىرلىق شەجىرەسىندەگى ايتۋلى وقيعا بولىپ تابىلادى، دەپ ەرەكشە اتاپ ءوتتى.
