استانادا 49 مىڭ تەڭگەنىڭ ءاتىرىن ۇرلاعان قىزدار ۆيدەوعا ءتۇسىپ قالدى

ەسىل اۋدانى پ ب كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە اقمولا وبلىسىنىڭ 18 جاستاعى جانە پاۆلودار وبلىسىنىڭ 17 جاستاعى تۋماسىن انىقتادى. تەرگەۋ بارىسىندا قىزدار ساعات 09:40 تا ماڭگىلىك ەل كوشەسىندەگى كوسمەتيكا دۇكەنىندە سورەدەگى تاۋارلاردى قاراپ ءجۇرىپ، ساتۋشىنىڭ بايقاماي تۇرعانىن پايدالانىپ، 49 مىڭ تەڭگەگە 3 دانا ايەلدەر پارفيۋمىن جاسىرىن الىپ شىعىپ، قاشىپ كەتكەندىگى انىقتالدى.
ۇرلىق جاسالعان ءساتى بۋتيكتىڭ ساۋدا زالىندا ورناتىلعان بەينەباقىلاۋ كامەراسىنا ءتۇسىپ قالعان. اتالعان دەرەككە قاتىستى ق ر ق ك- ءنىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىستىلىعىن تەكسەرۋ جۇرگىزىلىپ جاتىر.
استانا قالاسىنىڭ پوليتسيا دەپارتامەنتى جۇمىس ورنىن قاراۋسىز قالدىرماۋعا، قىراعى بولۋعا كەڭەس بەرەدى. ساۋدا ءۇي-جايلارىن بەينەباقىلاۋ كامەرالارىمەن جانە كۇزەت دابىلدارىمەن جابدىقتاۋ قاجەت.