18:10, 25 - شىلدە 2023 | GMT +5
التىنبەك شاكەن ەكشەن-رەجيسسەرى بولعان تۇرىكتىڭ «49» فيلمى ۇزدىك اتاندى
استانا. قازاقپارات - Nomad Stunts توبىنىڭ تريۋك قويۋشىسى التىنبەك شاكەن ەكشەن- رەجيسسەرى بولعان «49» فيلمى 2023-جىلدىڭ ەڭ ۇزدىك تۇرىك ەكشەن-فيلمى اتاندى، دەپ حابارلايدى قازاقپارات ءتىلشىسى.
«بۋرسا كينوفەستيۆالىندە Nomad Stunts توبىنىڭ تريۋك قويۋشىسى التىنبەك شاكەن ەكشەن-رەجيسسەرى بولعان «49» فيلمى 2023-جىلدىڭ ەڭ ۇزدىك تۇرىك ەكشەن-فيلمى اتاندى.
«49» دراماسى شىنايى وقيعالارعا نەگىزدەلگەن جانە يراكتاعى تۇرىك كونسۋلدىعىن كەپىلگە الۋ وقيعاسىن باياندايدى.
فيلم رەجيسسەرى - حاكان ينان. باستى رولدەردى بەلگىلى تۇرىك اكتەرلەرى حاندە دوگاندەمير مەن يسمايل حادجيوگلۋ سومدادى»، - دەلىنگەن اتالعان توپتىڭ Facebook-پاراقشاسىندا جاريالانعان اقپاراتتا.
جوباعا Nomad Stunts كاسكادەرلەرى قاتىسقان. ال التىنبەك شاكەن بارلىق ەكشەن كورىنىستەرىن قويۋعا جاۋاپتى عانا ەمەس، سونىمەن قاتار ەكشەن-وپەراتور رەتىندە دەبيۋت جاساعان.
