جاسوسپىرىمدەر سوققىعا جىققان 49 جاستاعى ەر ادام مۇگەدەك بولىپ قالۋى مۇمكىن

استانا. قازاقپارات - ەسىك قالاسىنىڭ دارىگەرلەرى جاسوسپىرىمدەر اياۋسىز سوققىعا جىققان تاۋتۇرگەن اۋىلىنىڭ 49 جاستاعى تۇرعىنىنىڭ قازىرگى جاعدايى تۋرالى ايتتى، - دەپ حابارلايدى Tengrinews.kz ءتىلشىسى ك ت ك تەلەارناسىنا سىلتەمە جاساپ.

مامانداردىڭ سوزىنشە، جابىرلەنۋشى مۇگەدەك بولىپ قالۋى مۇمكىن. ول اۋىر باس جاراقاتىن العان، سونىمەن قاتار 12 قابىرعاسى سىنىپ، جۇرەگى، بۇيرەگى مەن وكپەسىنە زاقىم كەلگەن. قازىر اۋىر جاعدايدا جانساقتاۋ بولىمىندە جاتىر.

«جاعدايى اسا اۋىر، ءبىراق تۇراقتى دەپ باعالاندى. ناۋقاستا جاراقاتتان كەيىن پنەۆمونيا دامىعاندىقتان، وكپەنى جاساندى جەلدەتۋ اپپاراتىنا قوسىلعان. كەۋدەسىندە وكپەقاپ قۋىسى قۇرعاتىلدى، درەناج ورناتىلدى، انتيباكتەريالدى تەراپيا جۇرگىزىلىپ جاتىر»، - دەدى ەڭبەكشى قازاق اۋداندىق كوپسالالى اۋداندىق اۋرۋحاناسى ديرەكتورىنىڭ ورىنباسارى ديانا سۇلەيمەنوۆا.

ەر ادام ەسىن جيعان، ءبىراق تىنىس الۋى قيىنداعاندىقتان، سويلەي المايدى. دارىگەرلەر ونىڭ كەم دەگەندە ەكى اپتا اۋرۋحانادا بولاتىنىن ايتادى.