22:02, 21 - شىلدە 2020 | GMT +5
كوبەيتۇز بەن قورجىنكول كولدەرى 49 جىلعا جالعا بەرىلمەك
اقمولا وبلىسى. قازاقپارات - اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى كوبەيتۇز بەن قورجىنكول كولدەرىن جالعا بەرۋگە بايقاۋ جاريالادى، دەپ حابارلايدى قازاقپارات.
«اقمولا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى» م م سۋ وبەكتىلەرىن وقشاۋ نەمەسە بىرلەسىپ پايدالانۋعا بەرۋ جونىندەگى كونكۋرس تۋرالى حابارلايدى. كونكۋرستىق قۇجاتتامانى ۇسىنۋدىڭ سوڭعى مەرزىمى — 2020 -جىلعى 27 -شىلدە، ساعات 12:00 گە دەيىن قابىلدانادى»، - دەپ حابارلاندى باسقارما سايتىندا.
سۋ وبەكتىلەرىن كونكۋرستىق نەگىزدە پايدالانۋعا بەرۋ كونكۋرسىنا كوبەيتۇز بەن قورجىنكول كولدەرى قويىلعان. ولاردى رەكرەاتسيالىق ماقساتتا 49 -جىلعا جالعا بەرۋ كوزدەلىپ وتىر. ەسكە سالا كەتسەك، ەلوردادان 170 شاقىرىم جەردە ورنالاسقان كوبەيتۇز كولىنە كارانتين بىتكەنشە بارۋعا تىيىم سالىنعان بولاتىن. ەندى كوبەيتۇز كولىنەن تۇز بەن باتپاق العاندار جاۋاپكەرشىلىككە تارتىلادى.
