الماتىدا 497 ادام كارانتيندە جاتىر

ونىڭ ايتۋىنشا، قالادا مەديتسينالىق باقىلاۋ جۇيەسى ءۇش باعىتتا ۇيىمداستىرىلعان.

ءبىرىنشىسى جۇقپالى اۋرۋ بولا قالعان جاعدايدا ىسكە قوسىلادى. ەكىنشىسى - پروۆيزورلىق باعىت.

«پروۆيزورلىق ورتالىق - جۇقتىرۋ قاۋپى جوعارى ادامدار. ءۇشىنشى باعىت - ينفەكتسيا شىققان ەلدەردەن كەلگەن ادامداردى كارانتينگە جاتقىزۋ. وسى ءۇش سانات قازىر تەكسەرۋدەن ءوتىپ جاتىر»، - دەدى ە. باباقۇماروۆ.

ونىڭ ايتۋىنشا، قالادا كوروناۆيرۋس جۇقپاسى ەشقانداي ادامنان زەرتحانالىق دەڭگەيدە راستالعان جوق.

«12,5 مىڭ (ادام - رەد.) باعىتتالدى. الماتى بۇل تۇرعىدان ەڭ دايىندىعى جوعارى قالا. بىزدە 1 ورتالىقتاندىرىلعان، 2 ۇلتتىق زەرتحانا جۇمىس ىستەيدى»، - دەدى قالا اكىمىنىڭ ورىنباسارى ەرجان باباقۇماروۆ قوعامدىق كەڭەس وتىرىسىندا.

بۇگىندە الماتىدا 497 ادام كارانتيندە جاتىر. ولاردىڭ جاعدايى ءبىرقالىپتى. پروۆيزورلىق ورتالىقتاردا 10 پاتسيەنت جاتىر. ولاردىڭ دەنساۋلىعىنا تەستىلەگەندە زەرتحانا سىناماسى ج ر ۆ ي مەن تۇماۋدى كورسەتتى.