بۇگىن الماتىدا 49 ساۋدا ماركەتى، 44 جانارماي قۇيۋ ستانتسياسى جۇمىسىن باستادى

الماتى. قازاقپارات - الماتى قالاسىندا ءىرى ساۋدا ماركەتتەرى، بازار، جانارماي قۇيۋ ستانتسيالارىنىڭ جۇمىسى جاندانۋدا، دەپ حابارلايدى قازاقپارات ءتىلشىسى.

قالالىق كاسىپكەرلىك جانە ينۆەستيتسيا باسقارماسىنىڭ مالىمەتىنشە، 8-قاڭتاردان باستاپ «تويمارت»، «Magnum» جانە «Small» سىندى ءىرى ساۋدا ماركەتتەرىنىڭ 28 بولىمشەسى قايتا اشىلعان. بۇگىن تاعى 49 فيليال اشىلىپ، تۇرعىندارعا قىزمەت كورسەتىپ جاتىر. ازىق- تۇلىك قورى جەتكىلىكتى. سونىمەن قاتار ازىق- تۇلىك ونەركاسىبى سالاسىنداعى اقساي نان، الماتى اشىتقى زاۋىتى ءىرى كاسىپورىندار جۇمىسىن جانداندىردى. سونداي- اق بۇگىننەن باستاپ 44 جانارماي قۇيۋ ستانتسياسى اشىلدى، ەرتەڭ تاعى 25 ءى ىسكە قوسىلماق.