س ق و- دا 48 گ ا استام ورماندى القاپ جويىلىپ، كەن يگەرۋ ورنىنا اينالماق
سولتۇستىك قازاقستان وبلىستىق اكىمدىگىنىڭ مالىمەتىنشە، «Tin One Mining» ا ق قۇرامىندا قالايى بار كەن ورنىن يگەرۋگە قۇقىعى بار وتاندىق ينۆەستور. كومپانيا جۇمىس ىستەپ جاتقان ايىرتاۋ اۋدانىنداعى «سىرىمبەت» كەن ورنى يمانتاۋ- شالقار كۋرورتتىق ايماعىنا كىرمەيدى. ول سىرىمبەت اۋىلىنان 15 شاقىرىم، ساۋمالكولدەن 25 شاقىرىم جەردە ورنالاسقان. كەن ورنى اۋماعىنىڭ شامامەن 48,5 گ ا جەرىن ورماندى القاپ الىپ جاتىر. مۇندا 3 مىڭ تەكشە مەتر اعاش بار. باسىم بولىگى - قايىڭ.
«سالىستىرۋ ءۇشىن ايتساق، س ق و- دا جىلىنا 350 مىڭ تەكشە مەتر قايىڭ وتىن ءۇشىن دايىندالادى. ال ورمان قورىنىڭ جەرىن «Tin One Mining» ا ق بەرۋ كومپانيانى ورمان شارۋاشىلىعى ءوندىرىسىنىڭ شىعىندارىن وتەۋ بويىنشا بيۋدجەتكە تولەمدەر جاساۋدان باسقا، جويىلاتىن ۋچاسكە اۋدانىنان ەكى ەسە مولشەردە، ياعني 97 گەكتار القاپقا اعاش وتىرعىزۋدى مىندەتتەيدى»، - دەيدى س ق و كاسىپكەرلىك جانە يندۋستريالىق- يننوۆاتسيالىق دامۋ باسقارماسى باسشىسىنىڭ ورىنباسارى نۇرجان سادىقوۆ.
تاۋ- كەن مەتاللۋرگيا كومبيناتىن سالۋ ناتيجەسىندە قالايى ءوندىرىلىپ قانا قويماي، تەرەڭ وڭدەلەتىن دە بولادى. ياعني كاسىپورىن ءونىم شىعارۋ بويىنشا تولىق تسيكلدى قامتيدى. جىلىنا ورتا ەسەپپەن 2,5 ميلليون توننا كەن وندىرىلمەك. جوبانى جۇزەگە اسىرۋ ناتيجەسىندە قازاقستان الەمدەگى ەڭ ءىرى قالايى وندىرۋشىلەردىڭ وندىعىنا كىرۋگە مۇمكىندىك الادى.
«سىرىمبەت» كەن ورنىنا جۇمسالاتىن ينۆەستيتسيالاردىڭ جالپى كولەمى - 130 ميلليارد تەڭگەدەن استام. بۇل - وبلىس جانە جالپى ەلىمىزدىڭ ەكونوميكاسىنا قۇيىلاتىن جەكە ينۆەستيتسيالار. نەگىزىنەن جەرگىلىكتى تۇرعىنداردى تارتۋ ەسەبىنەن 600 جاڭا جۇمىس ورنىن قۇرۋ جوسپارلانعان. جىل سايىن شامامەن 5 ميلليارد تەڭگەگە جۋىق سالىق اۋدارىمدارى جاسالماق. بۇل قاراجات ءوڭىردىڭ الەۋمەتتىك- ەكونوميكالىق دامۋىنا باعىتتالادى»، - دەيدى نۇرجان سادىقوۆ.
جوبا ىسكە اسىرىلا باستاعالى 18 ميلليارد تەڭگەدەن استام ينۆەستيتسيا قۇيىلىپ، 500 ميلليون تەڭگەدەن استام سالىق اۋدارىمدارى جاسالعان.