كوروناۆيرۋسقا قارسى قولدانىپ جاتقان ءدارىنىڭ 48 پايىزى - وتاندىق ءونىم
«س ق- فارماتسيا» ج ش س باسقارما ءتوراعاسى ەرحات ەسقاليەۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي مالىمەت بەردى.
«ۇكىمەت سالانى دامىتۋدىڭ 2025 -جىلعا دەيىنگى كەشەندى جوسپارىن ىسكە اسىرىپ جاتىر. بۇگىنگى تاڭدا قازاقستاندىق وندىرۋشىلەر دۇنيەجۇزىلىك دەنساۋلىق ساقتاۋ ۇيىمىنىڭ جىكتەۋى بويىنشا ومىرلىك ماڭىزدى دارىلەرگە جاتاتىن بازالىق پرەپاراتتاردى شىعارۋدى جولعا قويدى. مىسالى، كوروناۆيرۋستى ەمدەۋ حاتتاماسىنا كىرەتىن ءدارى- دارمەكتەردىڭ % 48- ى وتاندىق ونىمدەر»، - دەدى ءبىرىڭعاي ديستريبيۋتەر باسشىسى.
سونىمەن قاتار، ەرحات ەسقاليەۆ ۆاكسينا ەگەتىن شپريتستەردى دە ءبىرىڭعاي ديستريبيۋتەر جەتكىزەتىنىن ەسكە سالدى.
«ءبىرىڭعاي ديستريبيۋتەر ۆاكسيناتسيا جۇرگىزۋ ءۇشىن 19,8 ميلليون شپريتس ساتىپ الدى. ونىڭ ىشىندە كومپانيانىڭ قويمالارىنا 11,4 ميلليون شپريتس جەتكىزىلدى»، - دەدى كومپانيا باسشىسى.
اۆتور: ەسىمجان ناقتىباي
