قازاق قىزى الەمدىك رەيتينگتە 48-ورىنعا كوتەرىلدى
سەنبى كۇنى اياقتالعان مايامي تۋرنيرىنىڭ ءتورتىنشى اينالىمىنا دەيىن جەتكەن زارينا بۇدان بۇرىن 56-ىنشى ساتىدا تۇرعان ەدى. ءسويتىپ ول رەيتينگتەگى ۇزدىك كورسەتكىشىنە (31) بىرتىندەپ جاقىنداپ كەلەدى.
سونىمەن قاتار مايامي جارىسىنداعى ءساتتى ونەرىنەن كەيىن ز. دياس ءوزىنىڭ سپورتتىق جولىندا تاپقان تابىسىن 2 ميلليون ا ق ش دوللارىنان اسىردى.
تاعى ءبىر قازاقستاندىق تەننيسشى يۋليا پۋتينتسيەۆا 75-تەن 79-ىنشى ساتىعا سىرعىدى.
ەسكە سالا كەتەيىك، ز. دياس بۇگىن باستالاتىن چارلستون تۋرنيرىنىڭ العاشقى اينالىمىندا الەمنىڭ 86-ىنشى راكەتكاسى، امەريكالىق كريستينا ماكحەيلمەن شەبەرلىك بايقاسادى. ەگەر ونى جەڭسە، دۇنيەجۇزىلىك رەيتينگتە 12-ورىندا تۇرعان رەسەيلىك داريا كاساتكينامەن كەزدەسەدى.
