جاڭا زاڭ بويىنشا پوليتسيا كىمدەردى 48 ساعاتتان ارتىق ۇستاي الادى؟
قۇقىق قورعاۋ قىزمەتى تۋرالى جاڭا زاڭ جوباسى بويىنشا، كۇدىكتىنى قاماۋدا ۇستاۋ ۋاقىتى ەرەسەكتەر ءۇشىن 72 ساعاتتان 48 ساعاتقا، ال كامەلەتكە تولماعاندار ءۇشىن 24 ساعاتقا دەيىن قىسقارادى.
«زاڭعا قايشى ارەكەتتەردى بولدىرماۋ ءۇشىن اۋىر ىستەرگە قاتىستى عانا 72 ساعات قالدىرىلدى. بۇل لاڭكەستىك جانە ەكسترەميستىك، جاپپاي تارتىپسىزدىك، توپپەن جاسالعان قىلمىس، ەسىرتكى اينالىمى، پەدوفيليا، ادام ءولىمى جانە شالعاي جولعا بايلانىستى كۇدىكتىنى سۋدياعا جەتكىزە الماي جاقتان جاعدايلار بويىنشا قالدىرىلدى»، - دەيدى احمەتجانوۆ زاڭ جوباسىن ماجىلىستە تانىستىرىپ.
سونىمەن قاتار، جاڭا زاڭ جوباسىندا ەكونوميكالىق قىلمىس ءۇشىن كۇدىكتىنى قاماۋعا الماۋ ۇسىنىلدى.
ەسكە سالايىق، مۇنىڭ الدىندا باس پروكۋرور جاقىپ اسانوۆ قىلمىستىق-پروتسەسۋالدىق كودەكسكە وزگەرىستەر مەن تولىقتىرۋلار ەنگىزۋ اياسىندا كۇدىكتىلەردى ۇستاۋ ۋاقىتىن 72 ساعاتتان 48 ساعاتقا ازايتۋدى ۇسىنعان. سونىمەن بىرگە، قۇپيا تۇردە وتەتىن جەدەل ارەكەتتەر پروكۋراتۋرادان سوت جۇيەسىنە وتەدى.
