عالىمدار 48 ميلليون جىل بۇرىنعى تاسقا اينالعان جىلاننىڭ ىشىنەن كەسىرتكەنى تاپتى

استانا. قازاقپارات - عالىمدار 48 ميلليون جىل بۇرىنعى تاسقا اينالعان جىلاندى، ونىڭ اس قورىتۋ جۇيەسىندەگى كەسىرتكەنى جانە كەسىرتكەنىڭ اسقازانىنداعى قوڭىزدى تاۋىپ، قورەكتىك تىزبەكتىڭ كورنەكى دالەلىن كورسەتتى، دەپ حابارلادى Science Alert.

گەرمانيانىڭ وڭتۇستىك-باتىسىنداعى مەسسەل تاۋ كەنىنەن قورەك تىزبەگىنىڭ دالەلى تابىلدى. بۇل كەن ورنى ءوزىنىڭ قۇندى تاس مۇسىندەرىمەن (56-34 ميلليون جىل بۇرىن) تانىمال. تابىلعان ولجا قورەك تىزبەگىنە قاتىسى بار ەكىنشى جادىگەر.

بولجام بويىنشا، ەكى كۇن بۇرىن قوڭىز جەگەن كەسىرتكەنى جۇتقان جىلان زياندى بۋلارعا تۇنشىعىپ، جانارتاۋ كولىندە قۇلاۋى مۇمكىن جانە سول كول تۇبىندە تاس بولىپ قاتىپ قالىپ بۇگىنگى كۇنگە جەتكەن.

2008-جىلى 250 ميلليون جىل بۇرىنعى تاعى ءبىر كونە جادىگەر تابىلعان ەدى. تاس ءمۇسىننىڭ اكۋلا ەكەنى انىقتالدى، ونىڭ اسقازانىنان قوسمەكەندى، ال قوسمەكەندى ىشىنەن كىشكەنتاي بالىق شىققان بولاتىن.