قازاق اگروتەحنيكالىق ۋنيۆەرسيتەتى ءۇش ءتىلدى وقىتۋ جۇيەسىن 48 ماماندىق بويىنشا ەنگىزىپ وتىر - رەكتور
بۇل تۋرالى ۋنيۆەرسيتەت رەكتورى اقىلبەك كۇرىشبايەۆ ءمالىم ەتتى.
«جۇمىس بەرۋشىلەردىڭ ۇسىنىستارى مەن پىكىرلەرى نەگىزىندە ۋنيۆەرسيتەتتىڭ ءبىلىم بەرۋ باعدارلاماسىنا 200 گە تارتا جاڭاشىلدىق ەنگىزىلدى. تاجىريبەدەن ءوتۋ مەرزىمى 3 ايدان 8 ايعا ۇلعايتىلدى، 82 ءپان بويىنشا دۋالدى وقىتۋ ەنگىزىلگەن. 48 ماماندىق بويىنشا ءۇش ءتىلدى وقىتۋ ءجۇرىپ جاتىر»، - دەدى ول بۇگىن ق ر پرەمەر- ءمينيسترىنىڭ ورىنباسارى داريعا نازاربايەۆامەن بولعان كەزدەسۋىندە.
سونىمەن قاتار، ونىڭ سوزىنە قاراعاندا، كاليفورنيا ۋنيۆەرسيتەتىمەن بىرگە قاز ا ت ۋ- دىڭ دامۋ ستراتەگياسى جاساقتالۋدا. سونداي-اق ۋنيۆەرسيتەتتىڭ اۋماعىندا تاجىريبە الۋعا جانە ءتۇرلى زەرتتەۋلەر جاساۋعا مۇمكىندىك بەرەتىن تاجىريبەلىك شارۋاشىلىق اشىلعان.
«سوڭعى 4 جىلدا ۋنيۆەرسيتەتتىڭ عىلىمي زەرتتەۋلەردى قارجىلاندىرۋى 6 ەسەگە وسكەن. 2015 -جىلى ۋنيۆەرسيتەت تۇلەكتەرىنىڭ 82 پايىزى جۇمىسپەن قامتىلعان. بۇل كورسەتكىش قازاقستان ج و و- رى اراسىندا ەڭ ۇزدىك كورسەتكىش بولىپ تابىلادى»، - دەدى ا. كۇرىشبايەۆ.
اۆتور: جاسۇلان جولدىبايەۆ
