قور نارىعىندا دوللار باعامى 484 تەڭگەدەن استى

الماتى. قازاقپارات - دوللاردىڭ تەڭگەگە شاققانداعى باعامى ءوستى، دەپ حابارلايدى قازاقپارات ءتىلشىسى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 3,60 تەڭگەگە قىمباتتادى. ءبىر ا ق ش دوللارىنىڭ ورتاشا باعامى - 484,18 تەڭگە. ۇلتتىق بانكتىڭ 18 شىلدەدەگى رەسمي باعامى - 1 دوللارعا 480,37 تەڭگە.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتىلەرىندە دوللاردىڭ ساتۋ باعامى - 485 تەڭگە، ساتىپ الۋ - 489 تەڭگە. ال نۇر- سۇلتان قالاسى بويىنشا ساتۋ باعامى - 481 تەڭگەدەن بولسا، ساتىپ الۋ قۇنى - 484 تەڭگە. رەسەي ءرۋبلى 7,45- 7,75 تەڭگە ارالىعىندا ساۋدالانىپ جاتىر.