ساراپشى: ۋكراينادا اپاتقا ۇشىراعان ۇشاق ادەتتەگىدەن 480 شاقىرىم سولتۇستىككە قاراي جول باعىتپەن ۇشقان
Aviation International News Safety جۋرنالىنىڭ رەداكتورى، كوممەرتسيالىق اۆياجەلىلەردىڭ ۇشقىشى روبەرت مارك. بۇل تۋرالى رەسەيلىك «جاڭالىقتار» اگەنتتىگى حابارلادى.
بەيسەنبى كۇنى كەشتە 17- شىلدەدە امستەردام- كۋالا- لۋمپۋر رەيسىن ورىنداعان Malaysia Airlines كومپانياسىنىڭ Boeing 777 ۇشاعى دونەتسك وبلىسىندا اپاتقا ۇشىراعانى بەلگىلى بولدى، ونىڭ بورتىندا 298 ادام بولعان. اۆيا اپاتتا ءتىرى قالعاندار جوق. كيەۆ بيلىگى اپاتقا جاساقشىلاردى ايىپتايدى، ال ولار وزدەرىندە مۇنداي بيىكتىكتەگى ۇشىپ بارا جاتقان ۇشاقتى اتىپ تۇسىرەتىن قارۋ جوق ەكەنىن ايتادى.
«اپاتقا ۇشىراعان ۇشاق ادەتتەگى مارشرۋتتان 300 ميل (483 شاقىرىم) سولتۇستىككە قاراي ۇشقان. امستەردامنان كۋالا- لۋمپۋرعا ۇشاتىن مالايزيالىق اۆياجەلىلەردىڭ كوپشىلىك رەيستەرى ادەتتە بۇدان ەداۋىر وڭتۇستىككە قاراي جولباعىتپەن ۇشادى» ، دەپ بريتاندىق Telegraph گازەتى ساراپشىنىڭ ءسوزىن كەلتىرىلگەن.
ال اۆياكومپانيا بولسا، ۇشاق كەلىسىلگەن جولباعىتپەن ۇشقانىن ايتادى. «بۇل جولباعىت كەلىسىلگەن، ونى 16 اۆياكومپانيانىڭ 15 پايدالانادى. بۇل قاۋىپسىز جولباعىت - كوپشىلىگى ونى پايدالانادى. ءبىز ونى وزگەرتۋ تۋرالى حابارلاما العان جوقپىز» ، - دەدى بۇدان بۇرىن جۋرناليستەرگە مالايزيا اۆياجەلىلەرىنىڭ وكىلى.
«ۇشقىش رەتىندە ايتارىم، ەگەر بىزگە وسى جولباعىتپەن جۇرۋگە پارمەن بەرىلسە، ۋكراينا مەن رەسەي شەكاراسىندا بولىپ جاتقان سوڭعى اپتالار مەن ايلارداعى وقيعالاردى كورە تۇرىپ، مەن ەشقاشان بۇل نۇسقاۋدى قابىلداماس ەدىم» ، - دەدى مارك.
بۇدان بۇرىن ب ا ق ۇشاق اسكەري قاقتىعىستار ءجۇرىپ جاتقان ايماق ارقىلى ۇشقان، بۇعان جول بەرۋگە بولمايتىنى تۋرالى ءۇش اي بۇرىن بارلىق حالىقارالىق ۇشقىشتارعا ەسكەرتىلگەن دەپ اتاپ ءوتتى. ءساۋىر ايىندا ا ق ش جانە ە و اۆياتسيا باسشىلارى شىعىس ۋكراينانىڭ ۇستىمەن ۇشۋ قاۋىپتى ەكەنىن مالىمدەگەن بولاتىن. ءسىرا، كومپانيا وتىن ۇنەمدەم، جول قىسقارتپاق بولۋى مۇمكىن» ، دەدى تاعى ءبىر ساراپشى، ВАА كومپانياسىنىڭ قاۋىپسىزدىك قىزمەتىنىڭ بۇرىنعى باسشىسى، بىرنەشە بريتاندىق اۋەجايلارى بار نورمان شەنكس «مالايزيالىق ۇشاق جول قىسقارتىپ، ءارى وتىن ۇنەمدەمەك بولعان شىعار» ، دەيدى ول.
