قازاقستاندا ءبىر اپتادا جول اپاتتارىنان 48 ادام كوز جۇمىپ، 225 ادام ءارتۇرلى جاراقات الدى

ونىڭ ايتۋىنشا، ەلدە وتكەن اپتادا 3353 قىلمىس تىركەلگەن. ونىڭ 2223 ى ءبىر تاۋلىك ىشىندە اشىلعان.

پوليتسيا كىسى ءولتىرۋ قىلمىسىنىڭ - 11، دەنساۋلىققا اۋىر زيان كەلتىرۋ سالدارىنان ولىمگە اپارىپ سوقتىرعان - 2، قاراقشىلىق پەن ۇرلىقتىڭ - 36، بوتەننىڭ مۇلكىن ۇرلاۋعا قاتىستى 553 فاكتىنى ءىز سۋىتپاي اشقان.

«ءبىر اپتانىڭ ىشىندە 196 جول-كولىك وقيعاسى تىركەلىپ، وكىنىشكە قاراي 48 ادام كوز جۇمدى. 225 ادام ءارتۇرلى دەڭگەيدە جاراقات الدى. اۋا رايىنىڭ بۇزىلۋىنا بايلانىستى ىشكى ىستەر مينيسترلىگى ەلدى مەكەننەن تىس جەرگە كولىكپەن شىعۋ جوسپارىن كەيىنگە قالدىرۋعا شاقىرادى. جولدىڭ جابىلۋىن، اۋا رايىنىڭ بۇزىلۋىن الدىن الا قاداعالاپ وتىرعان ابزال»، - دەدى كامىل عاليەۆ مينيسترلىكتىڭ باسپا ءسوز ءماسليحاتىندا.