تۇركياداعى ءزىلزالا: ەكسكاۆاتورشى جىگىت ءوز اكەسىن 47 ساعاتتان سوڭ قۇتقارىپ الدى
قۇتقارۋ وپەراتسياسىنا ەكسكاۆاتور ءماشينيسى بولىپ جۇمىس ىستەيتىن ۇلى وسمان بايدەمير دە قاتىسقان.
وسمان بايدەميردىڭ اتا- اناسى تۇراتىن سەگىز قاباتتى عيمارات دۇيسەنبى كۇنى 7,7 جانە 7,6 بالدىق جەر سىلكىنىستەرىنەن قيراعان. ەر ادام بۋرسا قالاسىنىڭ قۇتقارۋشىلار بريگاداسىنا ۇيىندىلەردىڭ استىنان داۋىس ەستىگەنىن ايتتى. سودان كەيىن ايدەمير ەكسكاۆاتوردىڭ وپەراتورلىق كرەسلوسىنا ءوزى وتىرىپ، اكەسىن باسىپ قالعان بەتون بلوكتارىن كوتەرۋگە كومەكتەسكەن.
قۇتقارۋ وپەراتسياسى 14 ساعاتقا سوزىلىپ، 61 جاستاعى سالمان ايدەمير امان قالدى. ال ونىڭ ايەلى، وسمان بايدەميردىڭ اناسى ءزىلزالا سالدارىنان قايتىس بولعان.
ايتا كەتەيىك، تۇركيادا ءزىلزالا قۇرباندارىنىڭ سانى 6,2 مىڭنان استى، تاعى 37011 ادام جاراقات الدى.
بۇگىن قازاقستاندىق قۇتقارۋشىلاردىڭ ەكىنشى ەشەلونى تۇركياداعى جويقىن جەر سىلكىنىسى بولعان جەرگە اتتاندى. ەكىنشى ەشەلون قۇرامىندا جەكە قۇرامنان 60 ادام، ولاردىڭ ىشىندە ت ج م قۇتقارۋشىلارى، اپاتتار مەديتسيناسى ورتالىعىنىڭ دارىگەرلەرى، قىزمەتتىك يتتەر بار.
