تۇركىستان وبلىسىندا كۇن رايى 47 گرادۋسقا دەيىن كوتەرىلۋى مۇمكىن
«قازگيدرومەت» ر م ك تۇركىستان وبلىسى بويىنشا فيليالىنىڭ مالىمەتىنشە، بۇگىندە تۇركىستان وبلىسىنىڭ باسىم بولىگىندە اۋا رايى 40-43 گرادۋستى كورسەتىپ تۇر.
ال، وبلىس ورتالىعى تۇركىستان قالاسىندا - 42 گرادۋس. سونداي-اق، اۋا رايىن بولجاۋشى ماماندار شىلدەنىڭ 20-22- كۇندەرى ارالىعىندا اپتاپ ىستىق بولاتىنىن ايتۋدا.
«يراننان كەلىپ جاتقان اپتاپ ىستىق. 20-22- شىلدە ارالىعىندا وبلىستىڭ باسىم بولىگىندە 40-43 گرادۋس بولۋى مۇمكىن. وتىرار، ارىس، تۇركىستان قالاسىندا 45 كە دەيىن كوتەرىلەدى دەپ كۇتىلۋدە. ءتىپتى، كەي جەرلەردە 47 گە دەيىن جوعارىلاۋى ىقتيمال. شىمكەنت قالاسىندا دا 40-43 گرادۋسقا دەيىن ىستىق بولادى. بۇل ىستىق جۇما كۇنى كەشكە دەيىن ساقتالادى. ازىرگە جاۋىن-شاشىن جوق»، - دەيدى «قازگيدرومەت» ر م ك تۇركىستان وبلىسى بويىنشا فيليالىنىڭ مەتەرولوگيا جانە بولجاۋ ءبولىمىنىڭ باسشىسى اسيا قىدىربايەۆا.
