كوروناۆيرۋس: الماتىدا 47 ناۋقاس جەڭىل جانە ورتاشا اۋىر جاعدايدا

الماتى. قازاقپارات - الماتىدا ءبىر تاۋلىكتە 9 ادام كوروناۆيرۋس جۇقتىردى. ونىڭ بارلىعىندا اۋرۋ سيمپتومى بار.

بۇل تۋرالى قالالىق قوعامدىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى قازاقپارات ءتىلشىسى.

وتكەن تاۋلىكتە 11 ادام كوروناۆيرۋستان جازىلىپ شىقتى، 4 ادام اۋرۋحاناعا جاڭادان ءتۇستى. 180 توسەك-ورىندىق ينفەكتسيالىق ستاتسيونارلاردا 34 ادام جاتىر، ونىڭ ىشىندە 3 بالا بار.

جالپى رەانيماتسيا جانە قارقىندى تەراپيا بولىمشەسىندە 4 ادام ەمدەلۋدە. 1 ناۋقاس جاساندى تىنىس الۋ اپپاراتىنا قوسىلعان. High flow-دا 1 اپپارات جۇمىس ىستەيدى.

مەديتسينالىق-سانيتاريالىق العاشقى كومەك موبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 57 ناۋقاس بار. ونىڭ ىشىندە جەڭىل جانە ورتاشا اۋىر جاعدايدا - 47 ناۋقاس، سيمپتومسىز - 10 ناۋقاس.