قوردايداعى وقيعا بويىنشا 47 ادام ۇستالدى
«قازىرگى ۋاقىتتا 47 ادام ۇستالىپ، پوليسيا بولىمىنە جەتكىزىلدى. ولاردان ەكى اڭشى قارۋى تاركىلەندى. ق ر قىلمىستىق كودەكسىنىڭ 272-بابى (جاپپاي تارتىپسىزدىكتى ۇيىمداستىرۋ جانە سوعان قاتىسۋ) جانە 99-بابى (كىسى ءولتىرۋ) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. قوعامدىق ءتارتىپتى بۇزعانداردىڭ ءبارى دە زاڭعا سايكەس جاۋاپكەرشىلىككە تارتىلادى. قوعامدىق ءتارتىپتى قاداعالاۋ ماقساتىندا وقيعا ورنىندا قازىرگى ۋاقىتتا پوليسيا قىزمەتكەرلەرى مەن ۇلتتىق ۇلان ساربازدارى جۇمىلدىرىلعان» ، - دەدى ەرلان تۇرعىمبايەۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، بۇعان دەيىن ەرلان تۇرعىمبايەۆ قوردايداعى وقيعا سالدارىنان 8 ادامنىڭ كوز جۇمعانىن ءمالىم ەتكەن ەدى. «7- اقپاندا ساعات 19.00-دە جامبىل وبلىسىنىڭ پوليتسيا دەپارتامەنتىنىڭ كەزەكشى بولىمىنە قورداي اۋدانى ماسانچي اۋىلىندا 70 تەن استام ادام توبەلەسىپ جاتىر دەگەن حابارلاما كەلىپ ءتۇستى. زاڭسىز ارەكەتتەردى توقتاتۋ ءۇشىن وقيعا ورنىنا دەرەۋ پوليتسيا قىزمەتكەرلەرى جىبەرىلدى. سول جەردە بولعان ادامدار توبەلەستى ۆيدەوعا ءتۇسىرىپ، الەۋمەتتىك جەلى ارقىلى تاراتقان. وسىنىڭ سالدارىنان باسقا اۋىلداردان كەلگەن 300 دەن استام ازامات توبەلەسكە قوسىلىپ كەتكەن. ەكى جاق ءبىر- بىرىنە تاس لاقتىرىپ، تاياقپەن ۇرىپ، قارۋ قولداندى. 8 ادام كوز جۇمدى. 40-تان استام ادام جاراقات الدى»، - دەدى ىشكى ىستەر ءمينيسترى و ك ق- دا وتكەن باسپا ءسوز ءماسليحاتىندا.
بۇعان دەيىن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولعانىن حابارلاعان بولاتىنبىز. كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر ءبىلدىردى. «جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter- دەگى پاراقشاسىندا. ال بۇگىن مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.
