08:06, 07 - قىركۇيەك 2017 | GMT +6
ەلوردانىڭ 47 مەكتەبىندە روبوتتەحنيكا سىنىبى اشىلدى - كەسكىن
استانا. قازاقپارات - استاناداعى 47 مەكتەپكە روبوتتەحنيكا سىنىپتارى اشىلىپ، وعان بيۋدجەتتەن 183 ميلليون تەڭگە ءبولىندى، دەپ حابارلايدى ەلوردا اكىمدىگىنىڭ مەديا ورتالىعى.
قالالىق ءبىلىم باسقارماسى بەرگەن مالىمەتكە سۇيەنسەك، جىل سوڭىنا دەيىن قالاداعى تاعى 37 مەكتەپتە روبوت تەحنيكاسىن ۇيرەتەتىن سىنىپتار اشىلىپ، وعان قاجەتتى قۇرال-جابدىقتار الىنادى دەپ جوسپارلانۋدا. روبوتتەحنيكا نەگىزگى ءپان ەمەس، قوسىمشا ءپان رەتىندە وتكىزىلەدى. بارلىق مەكتەپتەردە فاكۋلتاتيۆ رەتىندە وتەتىندىكتەن وقۋشىلار وعان ءوز ەركىمەن قاتىساتىن بولادى.
روبوتتەحنيكا پاندەرىن ينفورماتيكا ءپانىنىڭ مۇعالىمدەرى وتكىزەتىن بولادى. ولاردىڭ بارلىعى نازاربايەۆ ۋنيۆەرسيتەتىندە ارنايى وقىتۋ كۋرستارىنان ءوتتى.
روبوتتەحنيكا ءپانىنىڭ سىنىپتارى ورتا ەسەپپەن 8-10 وقۋشىعا ارنالىپ جابدىقتالعان. ازىرگە ءبىر اپتادا 2-4 رەت وتكىزىلۋ جوسپارلانعان. قوسىمشا پانگە وقۋشىلار تاراپىنان قىزىعۋشىلىق ارتسا ساعات سانىن كوبەيتىلەدى.