ق ر پروكۋراتۋرا ورگاندارى بيىل 47 ازاماتقا قاتىستى نەگىزسىز كۇدىكتى الىپ تاستادى
بۇل تۋرالى بۇگىن ق ر باس پروكۋرورىنىڭ ورىنباسارى نۇرمۇحامبەت يسايەۆ ءمالىم ەتتى.
«ەگەر ءبىز ءبىر جەرلەردە تەرگەۋشى دۇرىس جاساماعانىن نەمەسە قانداي دا ءبىر ماڭىزدى ايعاقتاردى كورمەي كەتكەنىن كورسەك، وندا ءبىز جازباشا نۇسقاۋ بەرەمىز. وسى جىلى ونىڭ سانى 18 مىڭنان اسادى»، - دەدى ول.
ونىڭ سوزىنە قاراعاندا، تەرگەۋ كوبىنەسە تۇلعانى ۇستاۋمەن ۇشتاسىپ جاتادى. ماسەلەن، بۇرىندارى پروكۋرورلار جىل سايىن مىڭنان اسا ازاماتتىڭ قىزمەتتىك بولمەلەردە زاڭسىز ۇستالعاندىعىن انىقتاپ كەلگەن.
«بۇل پروبلەمانى شەشۋ ءۇشىن ءبىز قۇقىق قورعاۋ ورگاندارى عيماراتىنا جەتكىزىلگەندەردىڭ ەلەكتروندى ەسەبىن ەنگىزدىك، بۇل احۋالدى جاقسى جاعىنا قاراي وزگەرتتى. مۇنداي ەسەپتىڭ ماعىناسى قاراپايىم كەلۋشىنىڭ پوليتسيا ورگانىنا كىرگەن جانە شىققان ۋاقىتى كومپيۋتەرگە بەلگىلەنەدى.
ۇستالعاننىڭ عيماراتتا 3 ساعاتتان استام پروتسەستىك راسىمدەۋسىز بولۋى ءبىزدىڭ تالقىلاۋىمىزدىڭ نىساناسىنا اينالادى. 2014-جىلدىڭ وزىندە مۇنداي تۇلعالار سانى 459 عا دەيىن ازايعان. ال بيىلعى جىلى تاعى دا ەكى ەسە تومەندەگەن (403 تەن 212 گە دەيىن، %47 ازايعان). بۇدان باسقا، پروكۋرورلار 47 ازاماتتان نەگىزسىز كۇدىكتى الىپ تاستادى. وزدەرىڭىز تۇسىنەتىندەي، ولاردىڭ ءارقايسىسى ءۇشىن بۇل ەسەڭگىرەۋ، مورالدىق شىعىن، بۇلىنگەن ابىروي جانە باسقا دا ءتۇرلى سالدارعا اكەلەدى»، - دەدى ن. يسايەۆ.
اۆتور: مارلان جيەمباي
