قازاقستان 47 شەتەلدىك قىلمىسكەردى ۇستاپ بەردى

 استانا. قازاقپارات - قازاقستاننىڭ باس پروكۋراتۋراسى 2013 - جىلى شەتەلدىك مەملەكەتتەرگە ىزدەۋدە بولعان 47 شەتەلدىك قىلمىسكەردى ۇستاپ بەردى. سونىمەن بىرگە، شەتەلدەردەن ەلىمىزدىڭ 28 ازاماتىن بۇدان ءارى جازاسىن ەلىمىزدە وتەۋگە قابىلداپ الدى.

بۇل تۋرالى ق ر باس پروكۋراتۋراسىنىڭ باسپا ءسوز قىزمەتىنەن حابارلاندى.

باسپاءسوز حابارلاماسىندا ايتىلعانداي، قازاقستاننىڭ باس پروكۋراتۋراسى جىل سايىن قىلمىستىق ىستەر بويىنشا قۇقىقتىق كومەك سۇراعان شەتەلدىك مەملەكەتتەردىڭ شامامەن 600 ءوتىنىشىن قاناعاتتاندىرىپ كەلەدى. سونىمەن قاتار، قازاقستاننىڭ پروكۋراتۋرا ورگاندارى جىل سايىن قىلمىستىق ىستەر بويىنشا قۇقىقتىق كومەك سۇراپ شەتەلدىك مەملەكەتتەرگە شامامەن 700 ءوتىنىش جولدايدى.

«پروكۋراتۋرا شەتەلدىك مەملەكەتتەردىڭ قۇزىرلى ورگاندارىمەن قىلمىسكەرلەردى ەكستراديتسيالاۋ ماسەلەسىندە بەلسەندى ءوزارا ارەكەتتەستىكتى جۇزەگە اسىرىپ جاتىر. اتاپ ايتقاندا، سوڭعى ءۇش جىلدا 15 شەت مەملەكەتتەن قىلمىسكەرلەردى بەرۋ تۋرالى 300 گە تارتا سۇرانىمدار قاناعاتتاندىرىلعان. ءدال وسى ارالىقتا قازاقستاننىڭ باس پروكۋراتۋراسىنىڭ قىلمىسكەرلەردى بەرۋ تۋرالى 200 گە تارتا ءوتىنىش- تالاپتارىن شەتەلدىك مەملەكەتتەردىڭ قۇزىرلى ورگاندارى قاناعاتتاندىردى» ، - دەلىنگەن باسپا ءسوز اقپاراتىندا.

اۆتور: قانات مامەتقازى ۇلى