بيىل قىزىلوردادا 473 مىڭ توننا كۇرىش جينالدى
«بيىلعى سۋ تاپشىلىعى مەن اۋا رايىنىڭ قولايسىزدىعىنا قاراماستان 473 مىڭ توننا (54,5 ت س/گ ا) كۇرىش ءونىمىن جينادىق. جانە اعىمداعى جىلى سۋدىڭ جەتىسپەۋىنە بايلانىستى 600 مىڭ گەكتار كۇرىش ەگىستىگىن جوعالتتىق. الداعى ۋاقىتتا، وسىنداي جاعدايلاردى بولدىرماۋ ءۇشىن قازىر وڭىردە سۋ تاسقىنى كەزەڭىندە 2 ميلليارد تەكشە مەتردەن استام سۋ جينايتىن «كۇمىسكەتكەن» جانە «قاراوزەك» سۋ قويمالارىن سالۋ ماسەلەسىن قاراستىرۋدامىز»، - دەدى وبلىس اكىمى قىرىمبەك كوشەربايەۆ.
سونداي-اق، ءوڭىر باسشىسى سىر كۇرىشى موڭعوليا، اۋعانستان، تۇركيا ەلدەرىنىڭ نارىعىنا شىعىپ جاتقانىن، ودان بولەك بۇگىندە يرانعا ەكسپورتتاۋدىڭ قولعا الىنعانىن ايتىپ ءوتتى.
ونىڭ ايتۋىنشا 2016-جىلى باقشا داقىلدارىنىڭ ەكسپورتى قايتا جاڭعىرتىلسا، 2017-جىلى اراب امىرلىكتەرىنە، يران، موڭعوليا جانە وزبەكستانعا كوكونىس پەن مال ەكسپورتى باستالدى، ال، اعىمداعى جىلى قىتايعا العاش رەت ماقسارى مايىن جىبەردى. قابىلدانعان شارالار سوڭعى جىلدا اۋىل شارۋاشىلىعى ونىمدەرىنىڭ ەكسپورت كولەمىن %28 عا ارتتىرۋعا مۇمكىندىك بەردى. سونىمەن قاتار، بىرنەشە جىل ىشىندە وبلىستىڭ ج ءى ءو- دەگى اۋىل شارۋاشىلىعىنىڭ ۇلەسى %2,5 دان %3,7 عا دەيىن ارتتى. بۇل ەكونوميكا قۇرىلىمىنداعى وزگەرىستەردىڭ ساپالىلىعىن اڭعارتادى»، - دەدى ول.
