عالىمدار 46 مىڭ جىل بۇرىن تىرشىلىك ەتكەن قۇرتتاردى ءتىرىلتتى

46000 جىلدىق نەماتود قۇرتتار مۇزدان ەرىگەن كەزدە ءتىرىلىپ، ءومىردى بەلگىسىز ۋاقىتقا توقتاتا تۇرۋعا بولاتىنىن كورسەتتى.
وسى اپتادا PLOS Genetics جۋرنالىندا جاريالانعان جاڭالىق قۇرتتاردىڭ ەكسترەمالدى جاعدايلاردا وتە ۇزاق ۋاقىت، بۇل جاعدايدا ونداعان مىڭ جىل ءومىر سۇرە الاتىنىنا تۇسىنىك بەردى.
2018 -جىلى ر ع ا فيزيكا- حيميالىق جانە توپىراقتانۋدىڭ بيولوگيالىق ماسەلەلەرى ينستيتۋتىنىڭ عالىمى اناستاسيا شاتيلوۆيچ اركتيكاداعى سارىشۇناقتار قازعان ىننەن ەكى انالىق قۇرتتى ەرىتكەن.
گەرمانياداعى ماكس پلانك اتىنداعى مولەكۋلالىق- جاسۋشالىق بيولوگيا جانە گەنەتيكا ينستيتۋتىنىڭ باسپا ءسوز حابارلاماسىنا سايكەس، شامامەن 130 فۋت تەرەڭدىكتە ماڭگى مۇزعا كومىلگەن قۇرتتاردى سۋعا سالعاندا جان بىتكەن.
رەسەيدەگى كولىما وزەنىنىڭ اتىمەن اتالعان Panagrolaimus kolymaensis قۇرتتارىن گەرمانياعا ءارى قاراي زەرتتەۋگە جىبەرگەن.
زەرتتەۋشىلەردىڭ ايتۋىنشا، ءومىر ءسۇرۋ ۇزاقتىعى كۇندەرمەن ولشەنەتىن تىرشىلىك يەلەرى زەرتحانادا بىرنەشە ۇرپاق قالدىرعاننان كەيىن ولگەن.
راديوكومىرتەكتى مەرزىمدەۋدى قولدانا وتىرىپ، زەرتتەۋشىلەر ولاردىڭ 45839 جانە 47769 جىل بۇرىن قاتىپ قالعانىن انىقتادى.