استانا ىرگەسىندە «بوزوق» ۇلتتىق پاركىن سالۋعا 46 ميلليون تەڭگە قاجەت

نۇر-سۇلتان. قازاقپارات - ەلوردا ىرگەسىندە «بوزوق» ۇلتتىق پاركىن سالۋعا 46 ميلليون تەڭگە قاجەت.
None
None

اتالعان سومانى جەرگىلىكتى بيۋجەتتەن ءبولۋدى نۇر-سۇلتان قالاسى قۇرىلىس باسقارماسىنىڭ باسشىسى ارسەن جاڭعاسقانوۆ سۇراپ وتىر، دەپ حابارلايدى قازاقپارات ءتىلشىسى.

«بيىل مادەنيەت نىساندارىن دامىتۋعا 388 ميلليون تەڭگە ءبولىندى. قازىر بىزگە «بوزوق» ۇلتتىق پاركى قۇرىلىسى جوباسىن اياقتاۋعا 46 ميلليون تەڭگە كەرەك. سونىمەن قاتار «ماڭگىلىك ەل» اركاسى قايتا جوندەۋدى قاجەت ەتەدى. بۇگىندە اتالعان نىساننىڭ قۇجاتى قارالىپ جاتىر. جۇمىس اۋقىمدى، عيمارات توبەسىنەن سۋ اعادى. بۇل اركا قالاداعى بەتكە ۇستار كورىكتى ورىنداردىڭ ءبىرى. سوندىقتان نازارعا الۋلارىڭىزدى سۇرايمىن»، - دەدى ارسەن جاڭعاسقانوۆ ەلوردا ءماسليحاتىنىڭ وتىرىسىندا جاساعان بايانداماسىندا.

ەسكە سالا كەتسەك، اتالعان ۇلتتىق پاركتى اشۋ تۋرالى اڭگىمە وسىدان 3 جىل بۇرىن ايتىلعان ەدى. ياعني 2019-جىلى نۇر-سۇلتان قالاسى اكىمدىگى مەن مادەنيەت جانە سپورت مينيسترلىگى بىرلەسكەن جوباعا قول قويىلدى.

ودان بۇرىن سول كەزدەگى ەلوردا اكىمى باقىت سۇلتانوۆ بوزوق قالاشىعىنىڭ 3D- مودەلى جاسالاتىنىن ايتقان بولاتىن.

سوڭعى جاڭالىقتار