اقتوبەدە 46 ادام قازاقستان مەن رەسەيدەن قاتار زەينەتاقى الىپ وتىرعان
ولاردىڭ التاۋى 18 ميلليون تەڭگەنى كەرى قايتاردى، دەپ حابارلايدى قازاقپارات ءتىلشىسى.
قازاقستان زاڭناماسىنا سايكەس «قازاقستان رەسپۋبليكاسىنىڭ زەينەتاقىمەن قامسىزداردىرۋ تۋرالى» زاڭى باسشىلىققا الىنادى. سونىمەن بىرگە مەملەكەتارالىق كەلىسىمشارتتار دا بار. 2019 -جىلى ر ف زەينەتاقى قورى مەن «ازاماتتارعا ارنالعان ۇكىمەت» ك ە ا ق اراسىندا كەلىسىم جاسالىپ، ەكى ەل اۋماعىندا زەينەتاقى الىپ وتىرعان ادامدارعا تەكسەرۋ جۇرگىزىلدى. تەكسەرۋدەن سوڭ وبلىستا 46 ادامنىڭ قوسارلى زەينەتاقى العانى انىقتالدى.
«2020 -جىلدان باستاپ سوتقا دەيىنگى كەلىسىم جۇرگىزىلدى. ياعني، ەكى ەلدەن زەينەتاقى الىپ وتىرعان ادامدار ءوز ەركىمەن اقشانى قايتارۋى ءتيىس. قازىرگى كەزدە 6 ادام ەرىكتى تۇردە اقشانى قايتاردى. ول 18 ميلليون تەڭگە بولادى. وزگە 40 ادامنىڭ ماسەلەسى سوتقا جۇگىنۋ ارقىلى عانا شەشىلمەك»، - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى- قون كوميتەتىنىڭ اقتوبە وبلىسى بويىنشا دەپارتامەنتى باسشىسىنىڭ ورىنباسارى نۇرلان ماجيتوۆ.
ايتا كەتەيىك، قوسارلى زەينەتاقى الىپ وتىرعان ادامدار رەسەيدەن العان زەينەتاقىنى كەرى قايتارعان سوڭ تەك ءبىر ەلدەن زەينەتاقى الۋ جۇمىسى ناقتىلاندى. قازىر التى اقتوبەلىك قازاقستان زاڭناماسىمەن زەينەتاقى الىپ وتىر.
اۆتور: التىناي ساعىندىقوۆا
